Kassatsiialyq sot ekstraditsiialyq qamaýda otyrǵan sheshen oppozitsiialyq belsendisi Mansýr Movlaevqa Qazaqstanda bosqyn mártebesin berýden bas tartý týraly sot sheshimin ózgerissiz qaldyrdy, dep habarlaidy dalanews.kz.
Movlaevtyń advokaty Vadim Drozdovtyń aitýynsha, sot tómengi instantsiialardyń qorytyndylarynan qatelik tappaǵan jáne belsendiniń málimdegen táýekeli jetkilikti deńgeide dáleldenbegen degen tujyrymǵa kelgen.
«Sheshim ózgerissiz qaldyryldy. Sot buǵan deiingi instantsiialardyń qorytyndylarynan qatelik tappady jáne málimdelgen táýekeldiń jetkilikti deńgeide dáleldenbegenin esepke aldy. BUU Adam quqyqtary jónindegi komitetiniń 2026 jylǵy 23 aqpandaǵy ýaqytsha sharalary óz kúshinde qalyp otyr. Sondyqtan rásimniń túpkilikti aiaqtalýy Qazaqstanǵa Komitettiń qoldanystaǵy ýaqytsha sharalaryn buzbai ekstraditsiiany júzege asyrýǵa múmkindik bermeidi. Mansýrdy Komitettiń qoldanystaǵy ýaqytsha sharalaryna qaramastan ekstraditsiialaý Qazaqstannyń Azamattyq jáne saiasi quqyqtar týraly halyqaralyq pakt pen oǵan Fakýltativtik hattama boiynsha halyqaralyq mindettemelerin, sondai-aq azaptaýǵa tyiym salý jáne keri qaitarmaý qaǵidattary jónindegi mindettemelerin buzý bolyp sanalady. Sonymen birge ekstraditsiianyń is júzindegi qaýpi saqtalyp otyr», – dedi advokat Dala News tilshisine.
Kassatsiialyq shaǵym Movlaevqa Qazaqstanda bosqyn mártebesin berýden bas tartý týraly sheshimge qatysty bolǵan.
Advokat Vadim Drozdovtyń aitýynsha, Qazaqstannyń Bas prokýratýrasy 2026 jylǵy 26 mamyrdaǵy resmi jaýabynda BUU Adam quqyqtary jónindegi komitetiniń ýaqytsha sharalaryn ekstraditsiiany toqtatýǵa negiz retinde kórsetpegen. Bas prokýratýra tek «halyqaralyq uiymdardyń usynymdaryn saqtaý máselesin qarastyrýǵa áli erte» ekenin atap ótken.
Advokattyń málimetinshe, 2025 jylǵy 2 maýsymda Resei Federatsiiasynyń Bas prokýratýrasy Qazaqstanǵa Movlaevty ekstraditsiialaý týraly resmi saýal joldaǵan.
Qazaqstan sotynyń materialdaryna sáikes, Resei tarapy Mansýr Movlaevqa qatysty 2022 jylǵy 29 shilde jáne 14 jeltoqsanda Resei Qylmystyq kodeksiniń 163-baby boiynsha, iaǵni bopsalaý faktisimen qylmystyq ister qozǵalǵanyn alǵa tartqan. 2023 jylǵy 3 aqpanda eki is bir óndiriske biriktirilgen. Movlaev aiyptalýshy retinde tartylyp, halyqaralyq izdeýge jariialanǵan. Al Shali qalalyq soty ony qamaýǵa alý túrindegi bultartpas sharany syrttai tańdaǵan.
Advokattyń pikirinshe, Movlaevty Reseige is júzinde berý qaýpi Qazaqstannyń buǵan deiin basqa ister boiynsha halyqaralyq deńgeide qabyldanǵan ýaqytsha sharalarǵa qaramastan adamdardy ekstraditsiialaǵan jaǵdailarymen de bailanysty.
BUU-nyń Resei Federatsiiasyndaǵy adam quqyqtarynyń ahýaly jónindegi arnaiy baiandamashysy Mariana Katsarova etnikalyq sheshen, Resei azamaty Mansýr Movlaev Reseige qaitarylǵan jaǵdaida azaptaý, qatygez qarym-qatynas jáne sottan tys jazalaý qaýpine naqty ári sózsiz tap bolýy múmkin ekenin atap ótken.
Qazir Movlaev Almatyda ekstraditsiialyq qamaýda otyr. Kassatsiialyq sottyń sheshimi tómengi sottardyń bosqyn mártebesin berýden bas tartý týraly sheshimderin kúshinde qaldyrdy. Bul týraly Movlaevtyń advokaty Elena Jigalenok ta habarlaǵan.
Buǵan deiin KazTAG Resei belsendileri Mansýr Movlaev pen Iýliia Emelianovanyń Qazaqstanda baspana berýden bas tartý týraly sheshimderge qatysty apelliatsiialyq shaǵymdary qanaǵattandyrylmaǵanyn habarlaǵan.
Keiin advokattar Qazaqstannyń Joǵarǵy sotyna kassatsiialyq shaǵym túsirgen.
Mansýr Movlaev – sheshen oppozitsiialyq belsendisi ári Sheshenstan basshysy Ramzan Qadyrovtyń synshysy. Ol 2019–2020 jyldary sheshen oppozitsiialyq «Adat» qozǵalysyna respýblikadaǵy adamdardy urlaý, azaptaý jáne kúshtep joǵaltý faktileri týraly aqparat bergenimen belgili.
2020 jyly Reseide Movlaev esirtki saqtady degen aiyppen úsh jylǵa bas bostandyǵynan aiyrylǵan. Onyń ózi jáne quqyq qorǵaýshylar bul aiypty saiasi qyzmetine bailanysty qoldan uiymdastyrylǵan dep sanaidy.
2022 jyly shartty túrde merziminen buryn bosatylǵannan keiin ony Sheshenstandaǵy kúsh qurylymdarynyń qyzmetkerleri urlap áketip, beiresmi túrmede ustap, azaptaǵan. Alaida Movlaev qashyp shyǵa alǵan.
Keiin ol Qyrǵyzstanǵa zańsyz ótip, odan ári Qazaqstanǵa kelgen. 2025 jylǵy mamyrda Almatyda ustalyp, Reseige ekstraditsiialanýyn kútken. Resei tarapy ony ekstremizmdi qarjylandyrdy degen is boiynsha izdegen.
2026 jylǵy aqpanda Qazaqstannyń Joǵarǵy soty Movlaevty Reseige ekstraditsiialaý rásimin onyń baspana suraýyna qatysty is túpkilikti qaralǵanǵa deiin toqtatqan. Al BUU Adam quqyqtary jónindegi komiteti 23 aqpanda Qazaqstandy Movlaevty Reseige bermeýge shaqyrǵan ýaqytsha sharalar qabyldaǵan.
27 aqpanda KazTAG sottyń Movlaevtyń talap aryzyn qanaǵattandyrýdan bas tartqanyn habarlaǵan.
