Shyǵys Qazaqstan oblysynda jastar arasynda «Zań men tártip» qaǵidatyn ilgeriletýge baǵyttalǵan «Ne? Qaida? Qashan?» oblystyq ziiatkerlik týrniri ótti, dep habarlaidy dalanews.kz.
Dáýlet Serikbaev atyndaǵy Shyǵys Qazaqstan tehnikalyq ýniversitetiniń bazasynda uiymdastyrylǵan is-shara Shyǵys Qazaqstan oblysy ishki saiasat basqarmasynyń «Shyǵys Qazaqstan oblysy jastarynyń ziiatkerlik áleýetin qoldaý jáne damytý» memlekettik áleýmettik tapsyrysy aiasynda ótkizildi.
Ziiatkerlik dodaǵa oblystyń jalpy bilim beretin mektepteriniń 10–11 synyp oqýshylary men tehnikalyq jáne kásiptik bilim berý uiymdarynyń I–II kýrs stýdentterinen quralǵan 20 komanda, barlyǵy 100 jas qatysty.
Týrnirdiń basty maqsaty – jastardyń ziiatkerlik áleýetin arttyrýmen qatar, olardyń boiynda jaýapkershilik, ádildik, ózara qurmet jáne qoǵamdyq tártip siiaqty qundylyqtardy qalyptastyrý. Sebebi «Zań men tártip» qaǵidaty tek quqyqtyq talaptardy saqtaý emes, eń aldymen ár azamattyń óz áreketine jaýapkershilikpen qaraýynan bastalady.
Saiys barysynda qatysýshylar túrli deńgeidegi suraqtarǵa jaýap berip, ózderiniń bilimin, tapqyrlyǵyn, logikalyq oilaý qabiletin jáne jyldam sheshim qabyldaý daǵdylaryn kórsetti. Komandalar úshin ár kezeń ortaq pikirge kelýdi, aqparatty taldaýdy jáne ýaqytty tiimdi paidalanýdy talap etti.
Osyndai ziiatkerlik alańdar jastardyń bilimin shyńdap qana qoimai, olardyń pikir almasý, óz oiyn dáleldeý jáne qarsy pikirdi qurmetteý mádenietin qalyptastyrýǵa múmkindik beredi. Bul qasietter qazirgi qoǵamda belsendi ári jaýapty azamat qalyptastyrý úshin mańyzdy.
Týrnir barysynda komandalar arasynda tartysty báseke ornap, jastar joǵary belsendilik tanytty. Nátijesinde Shákárim atyndaǵy №1 orta mekteptiń oqýshylarynan quralǵan «Ádilet jastary» komandasy jeńimpaz atandy.
Is-sharanyń ataýy men mazmunynyń ózi jastar arasynda zańdy qurmetteý, ádilettilik pen tártipti saqtaý qundylyqtaryn nyǵaitýdyń mańyzyn kórsetedi. Mundai bastamalar jas býynnyń bos ýaqytyn tiimdi uiymdastyryp qana qoimai, olardyń qoǵamdyq ómirge belsendi aralasýyna, ziiatkerlik jáne kóshbasshylyq qabiletterin damytýǵa jol ashady.
Búginde «Zań men tártip» qaǵidatyn qalyptastyrý – qoǵamnyń barlyq múshesine ortaq mindet. Al bul jumysta jastardyń orny erekshe. Bilimdi, sanaly jáne jaýapkershiligi joǵary jas urpaq – qaýipsiz ári ádiletti qoǵamnyń negizi.
Shyǵys Qazaqstanda jastardyń ziiatkerlik jáne shyǵarmashylyq áleýetin qoldaýǵa, azamattyq belsendiligin arttyrýǵa baǵyttalǵan jumystar aldaǵy ýaqytta da jalǵasyn tabady.
Týrnirge qatysqan barlyq jastarǵa belsendiligi úshin alǵys bildirip, jeńimpazdardy laiyqty jeńisimen quttyqtaimyz!
