Qyzylorda oblysynda kúzgi merzimdi áskerı qyzmetke shaqyrý naýqany bastaldy. Bul týraly oblystyq qorǵanys isteri jónindegi departamenti málimdedi,- dep habarlaıdy Dalanews.kz

Bıyl 1 qyrkúıek pen 30 jeltoqsan aralyǵynda 18-27 jas aralyǵyndaǵy 900-ge jýyq jerlesimiz otan aldyndaǵy azamattyq boryshyn óteýge jiberiledi. Onyń basym kópshiligi Qarýly kúshter, Ulttyq Ulan jáne Ulttyq qaýipsizdik komıtetiniń shekara qyzmeti qatarynda bolady.

— Merzimdi qyzmet kezinde sarbazdardyń nesıe tóleý merzimi 1 jylǵa toqtatylady. Bilim berý salasynda ulttyq biryńǵaı test synaǵyna qatyspaı joǵary oqý oryndaryna túsý múmkindigi bar. Bıyl Qyzylorda oblysynan 61 azamat joǵary oqý oryndaryna bólingen memlekettik bilim grantyn ıelendi. Áskerge shaqyrý 1414 servıs qyzmeti arqyly pılottyq rejımde SMS-habarlama jiberý arqyly júzege asyrylady, — dedi departament bastyǵynyń orynbasary Nurlybek Seıithanov.

İrikteý kezinde jigitterdiń densaýlyǵy, saýattylyǵy, moraldyq-iskerlik qabileti eskeriledi. Otbasy jáne densaýlyq jaǵdaıy, bilim alýdy jalǵastyrý nıeti shaqyrýdy keıinge qaldyrýǵa negiz bola alady. Kezekti merzimdi áskerı qyzmetke shaqyrylǵandardyń aldy Ulttyq qaýipsizdik komıtetiniń shekara qyzmetine attanbaq.