قىزىلوردا وبلىسىندا كۇزگى مەرزىمدى اسكەري قىزمەتكە شاقىرۋ ناۋقانى باستالدى. بۇل تۋرالى وبلىستىق قورعانىس ىستەرى جونىندەگى دەپارتامەنتى مالىمدەدى،- دەپ حابارلايدى Dalanews.kz
بيىل 1 قىركۇيەك پەن 30 جەلتوقسان ارالىعىندا 18-27 جاس ارالىعىنداعى 900-گە جۋىق جەرلەسىمىز وتان الدىنداعى ازاماتتىق بورىشىن وتەۋگە جىبەرىلەدى. ونىڭ باسىم كوپشىلىگى قارۋلى كۇشتەر، ۇلتتىق ۇلان جانە ۇلتتىق قاۋىپسىزدىك كوميتەتىنىڭ شەكارا قىزمەتى قاتارىندا بولادى.
— مەرزىمدى قىزمەت كەزىندە ساربازداردىڭ نەسيە تولەۋ مەرزىمى 1 جىلعا توقتاتىلادى. ءبىلىم بەرۋ سالاسىندا ۇلتتىق ءبىرىڭعاي تەست سىناعىنا قاتىسپاي جوعارى وقۋ ورىندارىنا ءتۇسۋ مۇمكىندىگى بار. بيىل قىزىلوردا وبلىسىنان 61 ازامات جوعارى وقۋ ورىندارىنا بولىنگەن مەملەكەتتىك ءبىلىم گرانتىن يەلەندى. اسكەرگە شاقىرۋ 1414 سەرۆيس قىزمەتى ارقىلى پيلوتتىق رەجيمدە SMS-حابارلاما جىبەرۋ ارقىلى جۇزەگە اسىرىلادى، — دەدى دەپارتامەنت باستىعىنىڭ ورىنباسارى نۇرلىبەك سەيىتحانوۆ.
ىرىكتەۋ كەزىندە جىگىتتەردىڭ دەنساۋلىعى، ساۋاتتىلىعى، مورالدىق-ىسكەرلىك قابىلەتى ەسكەرىلەدى. وتباسى جانە دەنساۋلىق جاعدايى، ءبىلىم الۋدى جالعاستىرۋ نيەتى شاقىرۋدى كەيىنگە قالدىرۋعا نەگىز بولا الادى. كەزەكتى مەرزىمدى اسكەري قىزمەتكە شاقىرىلعانداردىڭ الدى ۇلتتىق قاۋىپسىزدىك كوميتەتىنىڭ شەكارا قىزمەتىنە اتتانباق.
