Qyzylorda oblysynda "Qorqyt Ata" jańa arnaiy ekonomikalyq aimaǵyn (AEA) qurý josparlanýda. QR Ónerkásip jáne qurylys ministrligi ony qurý týraly Úkimet qaýlysynyń jobasyn daiyndady,– dep habarlaidy Dalanews.kz
"Qorqyt Ata" arnaiy ekonomikalyq aimaǵyn 2049 jylǵy 31 jeltoqsanǵa deiingi kezeńde qurýdy josparlap otyr. Onyń aýdany 106 gektardy quraidy jáne ol Qyzylorda oblysynyń aýmaǵynda ornalasatyn bolady.
"Qorqyt Ata" AEA qurý maqsattary:
- Otandyq jáne sheteldik investorlardy tartý;
- Ekonomikalyq jáne uiymdastyrýshylyq jaǵdailardy qalyptastyrý arqyly jeke kásipkerliktiń damýyn yntalandyrý;
- Tranzittik kóliktik-logistikalyq áleýettiń jáne saýda-logistikalyq bailanystardyń ósýin yntalandyrý;
- Týristik áleýetti joǵarylatý men tiimdiligi joǵary, básekege qabiletti týristik infraqurylymdy damytý;
- Óńirdiń ekonomikalyq ósýine jáne infraqurylymyn jaqsartýǵa yqpal etý.
Bul aimaqty qurý ideiasy QR Premer-ministri Oljas Bektenovtyń Qyzylorda oblysyna saparynan keiin paida boldy. Onyń qorytyndysy boiynsha óńirde investitsiialar tartý jáne ekonomikanyń ósýi boiynsha belsendi jumys isteý tapsyrmasy berildi.
Búgingi tańda Qazaqstanda 15 arnaiy ekonomikalyq aimaq jumys isteidi. Qaýly jobasy "Ashyq NQA" saitynda 8 mamyrǵa deiin talqylaý úshin jariialandy.
