Almaty oblysynyń ákimi Marat Sultanǵaziev Qytai Halyq Respýblikasynyń Bas konsýly Tszian Vei hanymmen kezdesti, dep habarlaidy Dalanews.kz oblys ákimdigine silteme jasap.
Bul qadam qalyptasqan ekonomikalyq bailanystardy nyǵaitýdyń jáne ózara tiimdi yntymaqtastyqtyń jańa múmkindikterin izdeýdiń mańyzdy býyny bolyp tabylady.
Talqylaýdyń ózekti aspektileriniń biri Almaty oblysy men Qytai arasyndaǵy saýda qatynastaryn keńeitý máselesi boldy.
Marat Sultanǵaziev óz sózinde «Qaljat» jáne «Narynqol» ótkizý beketterin damytý eki el arasyndaǵy taýar ainalymyn nyǵaityp, ony arttyrýǵa zor úles qosatynyn atap ótti.
«Almaty oblysy men Qytai arasyndaǵy taýar jáne qyzmet almasýdy arttyrýdyń áleýeti zor. Saýdany keńeitý ekonomikany ártaraptandyrýǵa jáne ósý men damýdyń jańa múmkindikterin jasaýǵa yqpal etedi», – dedi Marat Sultanǵaziev.
Oblys ákimi búginge deiin óńirde qytailyq investorlardyń qatysýymen birqatar jobalar júzege asyrylǵanyn qosty.
«Kelun-Kazpharm» JShS farmatsevtikalyq zaýytynyń óndirisi iske qosyldy jáne «Energiia Semirechia» JShS jańartylatyn energiia kózderin óndirý jobasy júzege asyryldy. Aýyl sharýashylyǵy salasyn damytý aiasynda «Jibek joly» JShS tamshylatyp sýarý júiesine arnalǵan jiyntyqtaýyshtar, malǵa arnalǵan azyq-túlik qospalaryn óndirý úshin dándi daqyldardy qaita óńdeý óndirisin jolǵa qoidy.
Sondai-aq, sý únemdeý tehnologiialaryn, relsti bekitpeler men talshyqty tsement plitalaryn shyǵaratyn zaýyttardyń qurylysy aiaqtalyp, paidalanýǵa berildi.
Bul jobalar eki taraptyń ekonomikalyq damý máselelerindegi ózara tabysty is-qimylyn kórsetedi.
«Qytaidan kelgen investorlarmen ózara is-qimyl oblystyń ekonomikalyq damýy úshin mańyzdy bolyp tur. Bul jobalar óńirdegi óndiristiń san alýandyǵyna yqpal etip qana qoimai, jańa jumys oryndaryn ashyp, jergilikti ekonomikany yntalandyrady. Sonymen qatar, mundai investitsiialar kóbinese jumys kúshiniń biliktiligin arttyratyn jáne jalpy salanyń damýyna yqpal etetin tehnologiialar men bilim transfertin qamtidy. Qytaimen yntymaqtastyqtyń oń tájiribesi jańa investitsiialar tartýǵa jáne óńir ekonomikasynyń basqa da sektorlaryn damytýǵa úlgi bola alady», - dedi Marat Sultanǵaziev.
Marat Sultanǵaziev óz sózinde óńirde Qytaidan kelgen kásipkerlerdiń qatysýymen ekonomikanyń túrli salalarynda iri jobalar júzege asyrylyp jatqanyn aitty. Mysaly «Gezhouba Cement Company» Ltd tsement zaýytynyń qurylysyn bastaý josparlanyp otyrǵanyn, volfram ken oryndaryn igerý jáne «Jetysý Volframy» JShS taý-ken baiytý kombinatynyń qurylysy, «QazMetProduct» JShS daiyn staldi sym óndirisi jáne t.b.
Qazirgi ýaqytta Qytai Halyq Respýblikasynyń qatysýymen 11 perspektivalyq jobany júzege asyrý qarastyrylýda, olardyń ishinde eń irileriniń qatarynda «TVEA» kompaniiasynyń transformator zaýytynyń qurylysy, sýarý júielerin óndirýdi iske qosý jáne «Yulin irrigation» kompaniiasynyń traktorlar men aýyl sharýashylyǵy tehnikasyn qurastyrý zaýytyn salý.
Jiyn sońynda Marat Sultanǵaziev Almaty oblysy sheteldik investorlar úshin tartymdy óńir ekenin basa aitty. 2023 jyldan bastap búgingi kúnge deiin Qytai Halyq Respýblikasynyń ókilderimen 200-den astam iskerlik kezdesýler ótkizildi.
Investorlar tarapynan qyzyǵýshylyqtyń artýy aimaqtyń ekonomikalyq turaqtylyǵy men joǵary investitsiialyq áleýetin kórsetedi.
Aǵymdaǵy jyldyń mamyr aiyndaǵy jaǵdai boiynsha, Almaty oblysynyń investitsiialyq qorjyny jalpy somasy 3,4 trln. teńgeni qurady, onyń ishinde Qytai Halyq Respýblikasynyń kásipkerlerimen birlesip jalpy somasy 268 mlrd teńgeden astam 10 joba júzege asyrylýda.
