الماتى وبلىسىنىڭ ەكٸمٸ مارات سۇلتانعازيەۆ قىتاي حالىق رەسپۋبليكاسىنىڭ باس كونسۋلى تسزيان ۆەي حانىممەن كەزدەستٸ, دەپ حابارلايدى Dalanews.kz وبلىس ەكٸمدٸگٸنە سٸلتەمە جاساپ.
بۇل قادام قالىپتاسقان ەكونوميكالىق بايلانىستاردى نىعايتۋدىڭ جەنە ٶزارا تيٸمدٸ ىنتىماقتاستىقتىڭ جاڭا مٷمكٸندٸكتەرٸن ٸزدەۋدٸڭ ماڭىزدى بۋىنى بولىپ تابىلادى.
تالقىلاۋدىڭ ٶزەكتٸ اسپەكتٸلەرٸنٸڭ بٸرٸ الماتى وبلىسى مەن قىتاي اراسىنداعى ساۋدا قاتىناستارىن كەڭەيتۋ مەسەلەسٸ بولدى.
مارات سۇلتانعازيەۆ ٶز سٶزٸندە «قالجات» جەنە «نارىنقول» ٶتكٸزۋ بەكەتتەرٸن دامىتۋ ەكٸ ەل اراسىنداعى تاۋار اينالىمىن نىعايتىپ, ونى ارتتىرۋعا زور ٷلەس قوساتىنىن اتاپ ٶتتٸ.
«الماتى وبلىسى مەن قىتاي اراسىنداعى تاۋار جەنە قىزمەت الماسۋدى ارتتىرۋدىڭ ەلەۋەتٸ زور. ساۋدانى كەڭەيتۋ ەكونوميكانى ەرتاراپتاندىرۋعا جەنە ٶسۋ مەن دامۋدىڭ جاڭا مٷمكٸندٸكتەرٸن جاساۋعا ىقپال ەتەدٸ», – دەدٸ مارات سۇلتانعازيەۆ.
وبلىس ەكٸمٸ بٷگٸنگە دەيٸن ٶڭٸردە قىتايلىق ينۆەستورلاردىڭ قاتىسۋىمەن بٸرقاتار جوبالار جٷزەگە اسىرىلعانىن قوستى.
«Kelun-Kazpharm» جشس فارماتسەۆتيكالىق زاۋىتىنىڭ ٶندٸرٸسٸ ٸسكە قوسىلدى جەنە «ەنەرگييا سەميرەچيا» جشس جاڭارتىلاتىن ەنەرگييا كٶزدەرٸن ٶندٸرۋ جوباسى جٷزەگە اسىرىلدى. اۋىل شارۋاشىلىعى سالاسىن دامىتۋ اياسىندا «جٸبەك جولى» جشس تامشىلاتىپ سۋارۋ جٷيەسٸنە ارنالعان جيىنتىقتاۋىشتار, مالعا ارنالعان ازىق-تٷلٸك قوسپالارىن ٶندٸرۋ ٷشٸن دەندٸ داقىلداردى قايتا ٶڭدەۋ ٶندٸرٸسٸن جولعا قويدى.
سونداي-اق, سۋ ٷنەمدەۋ تەحنولوگييالارىن, رەلستٸ بەكٸتپەلەر مەن تالشىقتى تسەمەنت پليتالارىن شىعاراتىن زاۋىتتاردىڭ قۇرىلىسى اياقتالىپ, پايدالانۋعا بەرٸلدٸ.
بۇل جوبالار ەكٸ تاراپتىڭ ەكونوميكالىق دامۋ مەسەلەلەرٸندەگٸ ٶزارا تابىستى ٸس-قيمىلىن كٶرسەتەدٸ.
«قىتايدان كەلگەن ينۆەستورلارمەن ٶزارا ٸس-قيمىل وبلىستىڭ ەكونوميكالىق دامۋى ٷشٸن ماڭىزدى بولىپ تۇر. بۇل جوبالار ٶڭٸردەگٸ ٶندٸرٸستٸڭ سان الۋاندىعىنا ىقپال ەتٸپ قانا قويماي, جاڭا جۇمىس ورىندارىن اشىپ, جەرگٸلٸكتٸ ەكونوميكانى ىنتالاندىرادى. سونىمەن قاتار, مۇنداي ينۆەستيتسييالار كٶبٸنەسە جۇمىس كٷشٸنٸڭ بٸلٸكتٸلٸگٸن ارتتىراتىن جەنە جالپى سالانىڭ دامۋىنا ىقپال ەتەتٸن تەحنولوگييالار مەن بٸلٸم ترانسفەرتٸن قامتيدى. قىتايمەن ىنتىماقتاستىقتىڭ وڭ تەجٸريبەسٸ جاڭا ينۆەستيتسييالار تارتۋعا جەنە ٶڭٸر ەكونوميكاسىنىڭ باسقا دا سەكتورلارىن دامىتۋعا ٷلگٸ بولا الادى», - دەدٸ مارات سۇلتانعازيەۆ.
مارات سۇلتانعازيەۆ ٶز سٶزٸندە ٶڭٸردە قىتايدان كەلگەن كەسٸپكەرلەردٸڭ قاتىسۋىمەن ەكونوميكانىڭ تٷرلٸ سالالارىندا ٸرٸ جوبالار جٷزەگە اسىرىلىپ جاتقانىن ايتتى. مىسالى «Gezhouba Cement Company» Ltd تسەمەنت زاۋىتىنىڭ قۇرىلىسىن باستاۋ جوسپارلانىپ وتىرعانىن, ۆولفرام كەن ورىندارىن يگەرۋ جەنە «جەتىسۋ ۆولفرامى» جشس تاۋ-كەن بايىتۋ كومبيناتىنىڭ قۇرىلىسى, «QazMetProduct» جشس دايىن ستالدٸ سىم ٶندٸرٸسٸ جەنە ت.ب.
قازٸرگٸ ۋاقىتتا قىتاي حالىق رەسپۋبليكاسىنىڭ قاتىسۋىمەن 11 پەرسپەكتيۆالىق جوبانى جٷزەگە اسىرۋ قاراستىرىلۋدا, ولاردىڭ ٸشٸندە ەڭ ٸرٸلەرٸنٸڭ قاتارىندا «تۆەا» كومپانيياسىنىڭ ترانسفورماتور زاۋىتىنىڭ قۇرىلىسى, سۋارۋ جٷيەلەرٸن ٶندٸرۋدٸ ٸسكە قوسۋ جەنە «Yulin irrigation» كومپانيياسىنىڭ تراكتورلار مەن اۋىل شارۋاشىلىعى تەحنيكاسىن قۇراستىرۋ زاۋىتىن سالۋ.
جيىن سوڭىندا مارات سۇلتانعازيەۆ الماتى وبلىسى شەتەلدٸك ينۆەستورلار ٷشٸن تارتىمدى ٶڭٸر ەكەنٸن باسا ايتتى. 2023 جىلدان باستاپ بٷگٸنگٸ كٷنگە دەيٸن قىتاي حالىق رەسپۋبليكاسىنىڭ ٶكٸلدەرٸمەن 200-دەن استام ٸسكەرلٸك كەزدەسۋلەر ٶتكٸزٸلدٸ.
ينۆەستورلار تاراپىنان قىزىعۋشىلىقتىڭ ارتۋى ايماقتىڭ ەكونوميكالىق تۇراقتىلىعى مەن جوعارى ينۆەستيتسييالىق ەلەۋەتٸن كٶرسەتەدٸ.
اعىمداعى جىلدىڭ مامىر ايىنداعى جاعداي بويىنشا, الماتى وبلىسىنىڭ ينۆەستيتسييالىق قورجىنى جالپى سوماسى 3,4 ترلن. تەڭگەنٸ قۇرادى, ونىڭ ٸشٸندە قىتاي حالىق رەسپۋبليكاسىنىڭ كەسٸپكەرلەرٸمەن بٸرلەسٸپ جالپى سوماسى 268 ملرد تەڭگەدەن استام 10 جوبا جٷزەگە اسىرىلۋدا.
