ShQO ákimi Nurymbet Saqtaǵanov QHR eliniń iri Funde Holding Group Co., Ltd. kompaniiasynyń ókilderimen kezdesti. Investorlar Zaisan aýdanynda tabiǵi gaz óndirý jobasyn júzege asyrýǵa múddeli. Bul óńirge shamamen eki milliard AQSh dollar investitsiia tartýǵa jáne jańadan myńnan astam jumys ornyn ashýǵa múmkindik beredi,- dep habarlaidy Dalanews.kz
Qytai eliniń kompaniiasy halyqaralyq tájiribege ie jáne búkil álem boiynsha aýqymdy energetikalyq bastamalardy júzege asyryp keledi. Investorlar jobany júzege asyrmas buryn aýdannyń klimattyq, geografiialyq jáne infraqurylymdyq jaǵdailaryna tereń taldaý jasaǵan. Kezdesý aiasynda yntymaqtastyqtyń aldyn ala jospary, sondai-aq jobany talqylaýǵa beiindi basqarmalar men sarapshylardyń qatysýy kelisildi.
«Jobanyń júzege asýy Zaisan aýdanynyń turǵyndary úshin úlken múmkindik. Jańa jumys oryndary ashylyp qana qoimai, óńirdiń tabiǵi gaz óndirý áleýeti kúsheiedi. Ol óz kezeginde aimaq ekonomikasynyń damýyna oń áser bereri sózsiz», - dedi Nurymbet Saqtaǵanov.
Kezdesý Shyǵys Qazaqstannyń turaqty damýy baǵytyndaǵy strategiialyq áriptestiktiń taǵy bir mańyzdy kezeńi boldy.
