«Qazaqstannyń Halyq banki» AQ Qytailyq iri qarjy institýtymen strategiialyq maqsatta investitsiia tartý týraly kelisim jasasqan. Sonyń nátijesinde «Altyn Bank-tyń» 60 paiyz aktsiiasy Qytaidaǵy China CITIC Bank Corporation Limited qarjy institýtyna berilgen.
Resmi aqparatarǵa súiensek, eki jaqty kelissózder júrgizilip, Qazaqstan-Qytai qarjy institýttarynyń talqysynan keiin ǵana qabyldanǵan memorondým 2017 jyldyń alǵashqy jartysynda Zańdy kúshine enbek.
Al «Altyn Bank» ári qarai da qyzmetin jalǵastyra beredi-mis.
«Sondai-aq, osy kelisimderdiń nátijesinde birqatar mańyzdy jobalardy júzege asyrýǵa múmkindik ashylyp otyr. Halyk Grouptyń «Nurly jol», «Jibek joly – ekonomikalyq beldeýi», «Bir beldeý. Bir baǵyt» sekildi jobalardy júzege asyrýda negizgi rólin aiqyndaidy», - deidi «Halyq bank» AQ basqarmasynyń tóraiymy Úmit Shaiahmetova. Sondai-aq, Basqarma tóraiymy Úmit Shaiahmetova bank aktsiialaryn satýǵa – saiasi jaǵdailar sebep bolǵanyn aitqan.
Esterińizge sala keteiik, 2014 jyly «Halyq bank» AQ «HSBC Bank Qazaqstannyń» 100% aktsiiasyn 31 mlrd tengege satyp alǵan edi. Keiin bank ataýy "Altyn Bank" bolyp ózgergen. Endi mine, sol «Altyn Bank-tyń» negizgi aktsiialary Qytaiǵa satylypty.
Nurzat Toǵjan, abai.kz
