«قازاقستاننىڭ حالىق بانكى» اق قىتايلىق ءىرى قارجى ينستيتۋتىمەن ستراتەگيالىق ماقساتتا ينۆەستيسيا تارتۋ تۋرالى كەلىسىم جاساسقان. سونىڭ ناتيجەسىندە «Altyn Bank-تىڭ» 60 پايىز اكسياسى قىتايداعى Chinا CITIC Bank Corporation Limited قارجى ينستيتۋتىنا بەرىلگەن.
رەسمي اقپاراتارعا سۇيەنسەك، ەكى جاقتى كەلىسسوزدەر جۇرگىزىلىپ، قازاقستان-قىتاي قارجى ينستيتۋتتارىنىڭ تالقىسىنان كەيىن عانا قابىلدانعان مەموروندۋم 2017 جىلدىڭ العاشقى جارتىسىندا زاڭدى كۇشىنە ەنبەك.
ال «Altyn Bank» ءارى قاراي دا قىزمەتىن جالعاستىرا بەرەدى-مىس.
«سونداي-اق، وسى كەلىسىمدەردىڭ ناتيجەسىندە ءبىرقاتار ماڭىزدى جوبالاردى جۇزەگە اسىرۋعا مۇمكىندىك اشىلىپ وتىر. Halyk Groupتىڭ «نۇرلى جول»، «جىبەك جولى – ەكونوميكالىق بەلدەۋى»، «ءبىر بەلدەۋ. ءبىر باعىت» سەكىلدى جوبالاردى جۇزەگە اسىرۋدا نەگىزگى ءرولىن ايقىندايدى»، - دەيدى «حالىق بانك» اق باسقارماسىنىڭ ءتورايىمى ءۇمىت شاياحمەتوۆا. سونداي-اق، باسقارما ءتورايىمى ءۇمىت شاياحمەتوۆا بانك اكسيالارىن ساتۋعا – ساياسي جاعدايلار سەبەپ بولعانىن ايتقان.
ەستەرىڭىزگە سالا كەتەيىك، 2014 جىلى «حالىق بانك» اق «HSBC بانك قازاقستاننىڭ» 100% اكسياسىن 31 ملرد تەنگەگە ساتىپ العان ەدى. كەيىن بانك اتاۋى "Altyn Bank" بولىپ وزگەرگەن. ەندى مىنە، سول «Altyn Bank-تىڭ» نەگىزگى اكسيالارى قىتايعا ساتىلىپتى.
نۇرزات توعجان، abai.kz
