Qytaidyń avtokólik jasaityn kompaniialary satylym kólemin arttyrý úshin birneshe jyldar boiy avtomobilderdi shetelge ótkizýdiń kóleńkeli shemasyn qoldanyp kelgen. Naqtyraq aitqanda, sý jańa kólikti júrilgen dep tirkegen, dep habarlaidy Dalanews.kz.
Reuters agenttigine málim bolǵandai, mundai tásil 2019 jyldan beri qoldanylyp kelgen. Sý jańa kólikter júrilgen sekildi retinde kórsetilip, Reseige, Qazaqstanǵa, Qyrǵyzstanǵa, Ózbekstanǵa, Túrikmenstanǵa, Tájikstanǵa jáne Taiaý Shyǵys elderine jóneltilip otyrǵan.
Kóleńkeli shema mynandai tásilmen jumys isteidi:
- eksporttaýshy jańa kólikti tikelei óndirýshiden nemese dilerden satyp alady, biraq ony aldymen Qytaida tirkeidi jáne ony shetelge jóneltý úshin "paidalanylǵan" dep belgi qoidyrtady. Bul avtoóndirýshiler úshin óte qolaily bolǵan, mundaida olar avtokólikti satýdy birden tirkep, sol arada kiriske keńeledi.
"Árine, paidalanylǵan kólik dep kórsetilgen soń ol aitarlyqtai jeńildikpen satylady. Sondyqtan da oǵan degen suranys joǵary. Bul ádis avtoóndirýshilerge Qytaidyń ortalyq organdaryna ekonomikalyq ósimdi qamtamasyz etý týraly buiryqtardyń oryndalýy boiynsha esep berý úshin de qolaily. Iaǵni, bul satylym kórsetkishterin resmi túrde arttyrýǵa múmkindik beredi. Básekelesteri naryq sharttaryna sai áreket etpeitinin aityp, olardyń bul qýlyǵyn Great Wall Motor Great basshysy bilik aldyna jaiyp salǵan. Qazir Qytai biligi bul kóleńkeli shemany egteg-tegjei zerttep jatyr", delingen materialda.
Aita ketsek, sońǵy derekterge súiensek, Qazaqstanda tirkelgen kólik sany 6,3 millionǵa jetken. Bizdiń saitymyzdan "Avtonesieleý kólemi 1 jylda 36%-ǵa artty". Elimizde júrgen kólikterdiń árbir ekinshisi nesiege alynǵan" degen materialmen de tanysa alasyz.
