قىتايدىڭ اۆتوكولىك جاسايتىن كومپانيالارى ساتىلىم كولەمىن ارتتىرۋ ءۇشىن بىرنەشە جىلدار بويى اۆتوموبيلدەردى شەتەلگە وتكىزۋدىڭ كولەڭكەلى سحەماسىن قولدانىپ كەلگەن. ناقتىراق ايتقاندا، سۋ جاڭا كولىكتى جۇرىلگەن دەپ تىركەگەن، دەپ حابارلايدى Dalanews.kz.
Reuters اگەنتتىگىنە ءمالىم بولعانداي، مۇنداي ءتاسىل 2019 جىلدان بەرى قولدانىلىپ كەلگەن. سۋ جاڭا كولىكتەر جۇرىلگەن سەكىلدى رەتىندە كورسەتىلىپ، رەسەيگە، قازاقستانعا، قىرعىزستانعا، وزبەكستانعا، تۇرىكمەنستانعا، تاجىكستانعا جانە تاياۋ شىعىس ەلدەرىنە جونەلتىلىپ وتىرعان.
كولەڭكەلى سحەما مىنانداي تاسىلمەن جۇمىس ىستەيدى:
- ەكسپورتتاۋشى جاڭا كولىكتى تىكەلەي وندىرۋشىدەن نەمەسە ديلەردەن ساتىپ الادى، ءبىراق ونى الدىمەن قىتايدا تىركەيدى جانە ونى شەتەلگە جونەلتۋ ءۇشىن "پايدالانىلعان" دەپ بەلگى قويدىرتادى. بۇل اۆتووندىرۋشىلەر ءۇشىن وتە قولايلى بولعان، مۇندايدا ولار اۆتوكولىكتى ساتۋدى بىردەن تىركەپ، سول ارادا كىرىسكە كەڭەلەدى.
"ارينە، پايدالانىلعان كولىك دەپ كورسەتىلگەن سوڭ ول ايتارلىقتاي جەڭىلدىكپەن ساتىلادى. سوندىقتان دا وعان دەگەن سۇرانىس جوعارى. بۇل ءادىس اۆتووندىرۋشىلەرگە قىتايدىڭ ورتالىق ورگاندارىنا ەكونوميكالىق ءوسىمدى قامتاماسىز ەتۋ تۋرالى بۇيرىقتاردىڭ ورىندالۋى بويىنشا ەسەپ بەرۋ ءۇشىن دە قولايلى. ياعني، بۇل ساتىلىم كورسەتكىشتەرىن رەسمي تۇردە ارتتىرۋعا مۇمكىندىك بەرەدى. باسەكەلەستەرى نارىق شارتتارىنا ساي ارەكەت ەتپەيتىنىن ايتىپ، ولاردىڭ بۇل قۋلىعىن Great Wall Motor Great باسشىسى بيلىك الدىنا جايىپ سالعان. ءقازىر جۇڭگو بيلىگى بۇل كولەڭكەلى سحەمانى ەگتەگ-تەگجەي زەرتتەپ جاتىر"، دەلىنگەن ماتەريالدا.
ايتا كەتسەك، سوڭعى دەرەكتەرگە سۇيەنسەك، قازاقستاندا تىركەلگەن كولىك سانى 6،3 ميلليونعا جەتكەن. ءبىزدىڭ سايتىمىزدان "اۆتونەسيەلەۋ كولەمى 1 جىلدا 36%-عا ارتتى". ەلىمىزدە جۇرگەن كولىكتەردىڭ ءاربىر ەكىنشىسى نەسيەگە الىنعان" دەگەن ماتەريالمەن دە تانىسا الاسىز.
