جاڭا كونستيتۋتسييادا ەنگٸزٸلگەن ۆيتسە-پرەزيدەنت ينستيتۋتىنا قاتىستى نەگٸزگٸ تالاپتار بەلگٸلٸ بولدى. كونستيتۋتسيياعا سەيكەس, پرەزيدەنت العاشقى سايلانعان قۇرىلتايدىڭ بٸرٸنشٸ سەسسيياسى اشىلعان كٷننەن باستاپ ەكٸ اي ٸشٸندە قۇرىلتايدىڭ كەلٸسٸمٸمەن ۆيتسە-پرەزيدەنتتٸ تاعايىنداۋعا مٸندەتتٸ, دەپ حابارلايدى dalanews.kz.
Debate Orda telegram ارناسىنىڭ مەلٸمەتٸنشە, بۇل مەسەلە كەيٸنگە قالدىرىلمايدى.
"ەگەر قۇرىلتاي ٶز جۇمىسىن قىركٷيەكتە باستاسا, قازان ايىنىڭ اياعىنا دەيٸن قازاقستاندا ۆيتسە-پرەزيدەنت بولادى", – دەلٸنگەن جازبادا.
جاڭا كونستيتۋتسيياعا سەيكەس, ۆيتسە-پرەزيدەنت لاۋازىمىنا قازاقستان رەسپۋبليكاسىنىڭ ازاماتى, 40 جاسقا تولعان, مەملەكەتتٸك تٸلدٸ ەركٸن مەڭگەرگەن, كەيٸنگٸ 15 جىل بويى قازاقستاندا تۇراقتى تۇرعان جەنە جوعارى بٸلٸمٸ بار ازامات تاعايىندالا الادى.
سونىمەن قاتار دەرەككٶز اۆتورلارىنىڭ اتاپ ٶتۋٸنشە, پرەزيدەنتتٸككە ٷمٸتكەرگە قويىلاتىن تالاپتارمەن سالىستىرعاندا بٸر ەرەكشەلٸك بار.
"پرەزيدەنتتٸككە كانديداتقا قويىلاتىن تالاپتاردان ەرەكشەلٸگٸ - ۆيتسە-پرەزيدەنتكە مەملەكەتتٸك قىزمەت ٶتٸلٸ مٸندەتتٸ تالاپ رەتٸندە بەلگٸلەنبەگەن", - دەپ جازىلعان.
قۇجاتقا سەيكەس, ۆيتسە-پرەزيدەنت دەپۋتات بولا المايدى, باسقا اقى تٶلەنەتٸن قىزمەت اتقارمايدى, كەسٸپكەرلٸكپەن اينالىسپايدى جەنە ساياسي پارتييا مٷشەسٸ بولا المايدى. بۇل تالاپتار ونىڭ ساياسي بەيتاراپتىعى مەن مەملەكەتتٸك قىزمەتتٸڭ تەۋەلسٸزدٸگٸن قامتاماسىز ەتۋگە باعىتتالعان.
سونداي-اق جاڭا كونستيتۋتسيياعا سەيكەس, پرەزيدەنتتٸڭ ٶكٸلەتتٸگٸ مەرزٸمٸنەن بۇرىن توقتاتىلعان جاعدايدا مەملەكەت باسشىسىنىڭ ٶكٸلەتتٸگٸ ەڭ الدىمەن ۆيتسە-پرەزيدەنتكە ٶتەدٸ.
"سوندىقتان بۇل لاۋازىم فورمالدى ەمەس, ەلدەگٸ كونستيتۋتسييالىق تۇراقتىلىق پەن بيلٸك ساباقتاستىعىن قامتاماسىز ەتەتٸن نەگٸزگٸ مەملەكەتتٸك ينستيتۋتتاردىڭ بٸرٸنە اينالادى", – دەپ تٷيٸندەيدٸ دەرەككٶز.
