پاۆلودار وبلىسىندا كەرٸز قۇدىعىنداعى گازدان ۋلانىپ قازا بولعان التى جۇمىسشىنىڭ وتباسىلارىنا ماتەريالدىق كٶمەك كٶرسەتٸلەدٸ. مارقۇمداردىڭ نەسيەلەرٸن ٶتەۋگە جەردەم بەرٸلٸپ, جىل سوڭىنا دەيٸنگٸ جالاقىسى تٶلەنەدٸ, دەپ dalanews.kz تٸلشٸسٸ كتك تەلەارناسىنا سٸلتەمە جاساپ حابارلايدى.
قازا تاپقاندار جۇمىس ٸستەگەن سٷت فەرماسى ولاردىڭ كەمەلەتكە تولماعان بالالارىنىڭ 18 جاسقا تولعانعا دەيٸنگٸ كٷتٸمٸ مەن بٸلٸم الۋ شىعىندارىن ٶز موينىنا الماق.
پاۆلودار وبلىسىنىڭ ەكٸمٸ اسايىن بايحانوۆ قايعىلى وقيعا بولعان جەرگە بارىپ, مارقۇمداردىڭ وتباسىلارىنا كٶڭٸل ايتتى. ٶڭٸر باسشىسى ولارعا مەملەكەتتٸك ورگاندار مەن جۇمىس بەرۋشٸ تاراپىنان جان-جاقتى قولداۋ كٶرسەتٸلەتٸنٸن جەتكٸزدٸ.
قازا تاپقانداردىڭ ٷشەۋٸ بٸر وتباسىنىڭ مٷشەسٸ بولعان
قايعىلى جاعداي اقتوعاي اۋدانىنا قاراستى جولامان اۋىلىندا بولعان. كەرٸز قۇدىعىندا جۇمىس ٸستەگەن التى ادام گازدان ۋلانىپ, وقيعا ورنىندا كٶز جۇمدى.
مارقۇمداردىڭ ٷشەۋٸ بٸر وتباسىنىڭ مٷشەلەرٸ – ەكەسٸ مەن ونىڭ ەكٸ ۇلى بولعان. تاعى بٸر جۇمىسشى امان قالىپ, اقتوعاي اۋداندىق اۋرۋحاناسىنا جەتكٸزٸلدٸ.
تەرگەۋ ەرەكشە باقىلاۋعا الىندى
وبلىس ەكٸمٸ مەملەكەتتٸك ەڭبەك ينسپەكتسيياسى كوميتەتٸنٸڭ دەپارتامەنتٸنە, پوليتسييا مەن پروكۋراتۋراعا وقيعانى جان-جاقتى ەرٸ وبەكتيۆتٸ تەرگەۋدٸ تاپسىردى.
"قايعىلى جاعدايدىڭ بارلىق مەن-جايىن انىقتاپ, ەڭبەك قاۋٸپسٸزدٸگٸ تالاپتارىن بۇزۋعا جول بەرگەن كٸنەلٸ تۇلعالاردىڭ جاۋاپكەرشٸلٸكتەن جالتارۋىنا جول بەرمەۋ مٸندەتتەلدٸ", – دەدٸ پاۆلودار وبلىسى ەكٸمٸنٸڭ باسپاسٶز قىزمەتٸنٸڭ ٶكٸلٸ جانسەرٸك قاپزوللا.
قازٸرگٸ ۋاقىتتا وقيعانىڭ ناقتى سەبەپتەرٸ مەن كەسٸپورىندا قاۋٸپسٸزدٸك تالاپتارىنىڭ قالاي ساقتالعانى تەكسەرٸلٸپ جاتىر.
