Donald Tramp 1 tamyzdan bastap birqatar saýda seriktesterine qatysty ózara tariftik mólsherlemeler dep atalatyn ózgeristi engizý nietin rastady. Bul týraly AQSh prezidentiniń 14-ten astam el basshylaryna joldaǵan hatynan keiin belgili boldy. Osy jańalyqtardan keiin birjadaǵy mys baǵasy kúrt ósip, búginderi rekordtyq kórsetkishke jetti, dep habarlaidy Dalanews.kz.
Sarapshylar buǵan Donald Tramptyń atalǵan metallǵa salynatyn baj salyǵyn 50 paiyzǵa kóterý týraly nieti túrtki ekenin aitady. Mystyń qazir 1 fýnty 5,90 dollardy quraidy.
"Biz eki aidan buryn Qytaidaǵy mys naryǵyndaǵy jaǵdaidyń kúrt qatańdaý turǵysyndaǵy qubylysty baiqaǵan edik. Sodan beri Qytaidaǵy mys qorlary azaiyp, al COMEX (AQSh-ta) mys qorlary kúrt óse bastady. Qazir COMEX-tegi mys qory jeti jyldaǵy eń joǵary deńgeige jetti,al Qytaida kópjyldar boiy shamaly shekte bolyp keledi. Al Tramp seisenbide alda engizbek tariftik shekteýler aiasynda mys importyna 50% baj salyǵyn engizýdi josparlap otyrǵanyn málimdedi. Sondai-aq ol farmatsevtikalyq óndirýshilerge sheteldik óndiristegi ónimderin yńǵailap alý úshin bir jyl ýaqyt berdi. Sodan keiin olarǵa óte qomaqty kólemde baj salyǵy salynbaq. Ministrler kabinetiniń otyrysynda Tramp dári-dármekter, jartylai ótkizgishter men metaldardy qosa alǵanda, jekelegen salalarǵa tarifter engizýdi josparlap otyrǵanyn rastady. "Meniń oiymsha, biz mys tarifin 50%-ge kóteremiz", — dedi Tramp jýrnalistiń tarifterdiń yqtimal deńgeii týraly suraǵyna jaýap bere otyryp. Niý-Iorktegi mys fiýchersteri Tramptyń osy málimdemesinen keiin 17%-ǵa ósti, bul 1988 jyldan bergi eń úlken ishki ósim jáne AQSh-taǵy mys baǵasynyń tarihi maksimýmyn da jańartty. Osylaisha, Qytaidaǵy mys qorlary shekteýli, al AQSh-ta ol jetip artylatyn bolsa da, mys tarifterin engizý dál qazir ýaqyt boiynsha óte keremet kórinedi", - deidi ekonomist Eldar Shamsýtdinov.
Aita ketsek, Qytai saýda ministrligi 2025 jyly 5 shildeden bastap Eýropalyq Odaq elderinen jetkiziletin brendige (alkogoldi ónimderine) qatysty importtyq baj salyǵyn bes jylǵa arttyrý týraly sheshim qabyldady. Bul,Hennessy,Remy Martin jáne Martell siiaqty iri frantsýz óndirýshileri ónimderin qamtidy. Bul EO-nyń Qytai elektromobilderine qatysty qabyldaǵan sharalarǵa jaýap ekendigi de aitylady. Aitqandai, mys elektromobil óndirisinde asa qajet shikizattyń biri bolyp tabylady.
