دونالد ترامپ 1 تامىزدان باستاپ ءبىرقاتار ساۋدا سەرىكتەستەرىنە قاتىستى ءوزارا تاريفتىك مولشەرلەمەلەر دەپ اتالاتىن وزگەرىستى ەنگىزۋ نيەتىن راستادى. بۇل تۋرالى اقش پرەزيدەنتىنىڭ 14-تەن استام ەل باسشىلارىنا جولداعان حاتىنان كەيىن بەلگىلى بولدى. وسى جاڭالىقتاردان كەيىن بيرجاداعى مىس باعاسى كۇرت ءوسىپ، بۇگىندەرى رەكوردتىق كورسەتكىشكە جەتتى، دەپ حابارلايدى Dalanews.kz.
ساراپشىلار بۇعان دونالد ترامپتىڭ اتالعان مەتاللعا سالىناتىن باج سالىعىن 50 پايىزعا كوتەرۋ تۋرالى نيەتى تۇرتكى ەكەنىن ايتادى. مىستىڭ ءقازىر 1 فۋنتى 5،90 دوللاردى قۇرايدى.
"ءبىز ەكى ايدان بۇرىن قىتايداعى مىس نارىعىنداعى جاعدايدىڭ كۇرت قاتاڭداۋ تۇرعىسىنداعى قۇبىلىستى بايقاعان ەدىك. سودان بەرى قىتايداعى مىس قورلارى ازايىپ، ال COMEX (اقش-تا) مىس قورلارى كۇرت وسە باستادى. ءقازىر COMEX-تەگى مىس قورى جەتى جىلداعى ەڭ جوعارى دەڭگەيگە جەتتى،ال قىتايدا كوپجىلدار بويى شامالى شەكتە بولىپ كەلەدى. ال ترامپ سەيسەنبىدە الدا ەنگىزبەك تاريفتىك شەكتەۋلەر اياسىندا مىس يمپورتىنا 50% باج سالىعىن ەنگىزۋدى جوسپارلاپ وتىرعانىن مالىمدەدى. سونداي-اق ول فارماسيەۆتيكالىق وندىرۋشىلەرگە شەتەلدىك وندىرىستەگى ونىمدەرىن ىڭعايلاپ الۋ ءۇشىن ءبىر جىل ۋاقىت بەردى. سودان كەيىن ولارعا وتە قوماقتى كولەمدە باج سالىعى سالىنباق. مينيسترلەر كابينەتىنىڭ وتىرىسىندا ترامپ دارى-دارمەكتەر، جارتىلاي وتكىزگىشتەر مەن مەتالداردى قوسا العاندا، جەكەلەگەن سالالارعا تاريفتەر ەنگىزۋدى جوسپارلاپ وتىرعانىن راستادى. "مەنىڭ ويىمشا، ءبىز مىس ءتاريفىن 50%-گە كوتەرەمىز"، — دەدى ترامپ ءجۋرناليستىڭ تاريفتەردىڭ ىقتيمال دەڭگەيى تۋرالى سۇراعىنا جاۋاپ بەرە وتىرىپ. نيۋ-يوركتەگى مىس فيۋچەرستەرى ترامپتىڭ وسى مالىمدەمەسىنەن كەيىن 17%-عا ءوستى، بۇل 1988 جىلدان بەرگى ەڭ ۇلكەن ىشكى ءوسىم جانە اقش-تاعى مىس باعاسىنىڭ تاريحي ماكسيمۋمىن دا جاڭارتتى. وسىلايشا، قىتايداعى مىس قورلارى شەكتەۋلى، ال اقش-تا ول جەتىپ ارتىلاتىن بولسا دا، مىس تاريفتەرىن ەنگىزۋ ءدال ءقازىر ۋاقىت بويىنشا وتە كەرەمەت كورىنەدى"، - دەيدى ەكونوميست ەلدار شامسۋتدينوۆ.
ايتا كەتسەك، جۇڭگو ساۋدا مينيسترلىگى 2025 جىلى 5 شىلدەدەن باستاپ ەۋروپالىق وداق ەلدەرىنەن جەتكىزىلەتىن برەنديگە (الكوگولدى ونىمدەرىنە) قاتىستى يمپورتتىق باج سالىعىن بەس جىلعا ارتتىرۋ تۋرالى شەشىم قابىلدادى. بۇل،Hennessy،Remy Martin جانە Martell سياقتى ءىرى فرانسۋز وندىرۋشىلەرى ونىمدەرىن قامتيدى. بۇل ەو-نىڭ جۇڭگو ەلەكتروموبيلدەرىنە قاتىستى قابىلداعان شارالارعا جاۋاپ ەكەندىگى دە ايتىلادى. ايتقانداي، مىس ەلەكتروموبيل وندىرىسىندە اسا قاجەت شيكىزاتتىڭ ءبىرى بولىپ تابىلادى.
