Qytai densaýlyq saqtaý jónindegi ulttyq komissiiasynyń habarlaýynsha, 8 jeltoqsan men 12 qańtar aralyǵynda 59 938 adam qaitys bolǵan, olardyń ólimine koronavirýspen bailanysty sebepter túrtki bolǵan: 5,5 myńy koronavirýs infektsiiasyna bailanysty tynysy tarylyp, tunshyǵyp ólgen. Qalǵanynda koronavirýs infektsiiasy men ózge aýrý túrleri bolǵan. Dese de, Qytai sarapshylary indettiń taralý shegi ótip ketti dep sanaidy.
Buǵan deiin Qytai biligi indet bastalǵaly beri elde shamamen 5 myń adam ólgenin, al 2022 jyly jeltoqsanda on myńǵa jýyq ólim tirkelgenin málimdegen.
Osy aptada Dúniejúzilik densaýlyq saqtaý uiymy Pekindi adam ólimin jasyryp otyr dep aiyptady.
Jeltoqsan sońynda britan Airfinity taldaý kompaniiasy Qytaida kúnine shamamen 9 myń adam koronavirýstan qaitys bolǵan bolýy múmkin dep tujyrymdaǵan. Bloomberg te Qytaida krematoriilerdiń tolyp ketkenin jazǵan.
Qytai biligi byltyr jyl sońynda jappai narazylyqtan keiin koronavirýs shekteýlerin jumsarta bastaǵan. Osydan soń elde koronavirýs juqtyrǵandar kúrt artqan. Epidemiologtardyń pikirinshe, Qytai biligi qatań shekteýler qoiyp, naýqastardy qoǵamnan qatty alshaqtatqannan keiin turǵyndarda koronavirýsqa qarsy immýnitet qalyptasyp úlgermegen.
