Qyrǵyzstanda oppozitsiianyń 500-ge jýyq jaqtasy Memlekettik ulttyq qaýipsizdik komiteti ǵimaratynyń aldynda narazylyq aktsiiasyn ótkizip, saiasatker Ómirbek Tekebaevty bosatýyn talap etti.
Sherýge jinalǵandardyń arasynda burynǵy prezident Roza Otýnbaeva da bar. Olar "Ata Meken" partiiasynyń jetekshisin jáne Qyrǵyzstannyń Ýaqytsha úkimetiniń basqa da múshelerin saiasi sebeptermen qýdalady dep esepteidi.
Bas prokýratýra "Ata Meken" parlamenttik fraktsiiasynyń jetekshisine qatysty qylmystyq is qozǵady. Mekeme málimeti boiynsha, Tekebek Ýaqytsha úkimetti basqarǵan kezde birqatar reseilik telekommýnikatsiialyq kompaniialardyń qojaiyny Leonid Maevskiiden bir million dollar para alǵan. Sol aqshaǵa ol reseilik kásipkerdi "Alfa Telekom" JAQ basqarmasyna kirgizýdi, odan soń ol kompaniiany satýǵa jáne oǵan saiasi qoldaý kórsetýge ýáde bergen.
Bul ýádelerin Tekebaev oryndamaǵan, alǵan aqshany qaitarýdan bas tartqan, buǵan qatysty aqparat taraǵan jaǵdai onyń óziniń kózin joiýǵa ýáde bergen. Osyndai málimdememen kásipkerdiń ózi Qyrǵyzstannyń arnaiy qyzmetine shaǵymdanǵan.
"Osylaisha, Leonid Maevskii Jogorký Keneshtiń burynǵy depýtaty Ómirbek Ábdirahmanovtyń, "Penvel" kompaniiasynyń ókili Raýshan Rykýnovanyń saiasatker Tekebaev pen onyń jaqtastarynyń "Alfa Telekomǵa" qatysty túrli zańsyz áreketterge barǵany týraly aitqandaryn rastady", - delingen MUQK málimdemesinde
