قىرعىزستاندا وپپوزيسيانىڭ 500-گە جۋىق جاقتاسى مەملەكەتتىك ۇلتتىق قاۋىپسىزدىك كوميتەتى عيماراتىنىڭ الدىندا نارازىلىق اكسياسىن وتكىزىپ، ساياساتكەر ومىربەك تەكەبايەۆتى بوساتۋىن تالاپ ەتتى.
شەرۋگە جينالعانداردىڭ اراسىندا بۇرىنعى پرەزيدەنت روزا وتۋنبايەۆا دا بار. ولار "اتا مەكەن" پارتياسىنىڭ جەتەكشىسىن جانە قىرعىزستاننىڭ ۋاقىتشا ۇكىمەتىنىڭ باسقا دا مۇشەلەرىن ساياسي سەبەپتەرمەن قۋدالادى دەپ ەسەپتەيدى.
باس پروكۋراتۋرا "اتا مەكەن" پارلامەنتتىك فراكسياسىنىڭ جەتەكشىسىنە قاتىستى قىلمىستىق ءىس قوزعادى. مەكەمە مالىمەتى بويىنشا، تەكەبەك ۋاقىتشا ۇكىمەتتى باسقارعان كەزدە ءبىرقاتار رەسەيلىك تەلەكوممۋنيكاسيالىق كومپانيالاردىڭ قوجايىنى لەونيد مايەۆسكييدەن ءبىر ميلليون دوللار پارا العان. سول اقشاعا ول رەسەيلىك كاسىپكەردى "الفا تەلەكوم" جاق باسقارماسىنا كىرگىزۋدى، ودان سوڭ ول كومپانيانى ساتۋعا جانە وعان ساياسي قولداۋ كورسەتۋگە ۋادە بەرگەن.
بۇل ۋادەلەرىن تەكەبايەۆ ورىنداماعان، العان اقشانى قايتارۋدان باس تارتقان، بۇعان قاتىستى اقپارات تاراعان جاعداي ونىڭ ءوزىنىڭ كوزىن جويۋعا ۋادە بەرگەن. وسىنداي مالىمدەمەمەن كاسىپكەردىڭ ءوزى قىرعىزستاننىڭ ارنايى قىزمەتىنە شاعىمدانعان.
"وسىلايشا، لەونيد مايەۆسكيي جوگوركۋ كەنەشتىڭ بۇرىنعى دەپۋتاتى ومىربەك ءابدىراحمانوۆتىڭ، "پەنۆەل" كومپانياسىنىڭ وكىلى راۋشان رىكۋنوۆانىڭ ساياساتكەر تەكەبايەۆ پەن ونىڭ جاقتاستارىنىڭ "الفا تەلەكومعا" قاتىستى ءتۇرلى زاڭسىز ارەكەتتەرگە بارعانى تۋرالى ايتقاندارىن راستادى"، - دەلىنگەن مۇقك مالىمدەمەسىندە
