Jaqynda Túrkistanda kókpardan álem chempionaty ótedi. Alaida bul dodaǵa basty qarsylastardyń biri — Qyrǵyzstan quramasynyń qatyspaityny belgili boldy. Osy tusta sport jýrnalisi Aqyrys Seiitqazy Kókpar federatsiiasynyń aqparattyq jumysyn synǵa aldy, dep habarlaidy Dalanews.kz.
“Bir-eki kúnde Túrkistanda kókpardan álem chempionaty ótedi. Sol synǵa kórshiles Qyrǵyzstan komandasynyń qatyspaitynyn áriptesimiz Aslan Qajenovten oqydym. Osyǵan bailanysty naqty aqpar alý úshin federatsiiamen bailanys izdei bastadym. Sebebi kókpar federatsiiasynyń resmi akkaýnttarynda Qyrǵyzstannyń qatyspaityny jaily hat-habar atymen joq eken. Ádette, mundai jaǵdaidy federatsiianyń ózi túsindirýi qajet. Onyń ústine, Qyrǵyzstan kókpardaǵy basty qarsylasymyz bolǵan soń, suraqtyń týyndaýy zańdy”, — dep jazdy ol.
Jýrnalist osyǵan bailanysty naqty málimet alý úshin federatsiia ókilderimen bailanysýǵa tyrysqan. Alaida olar Qyrǵyzstan quramasyna qatysty qosymsha túsinikteme berýden bas tartqan.
“Uiymnyń resmi ókili Sáken Seiithan atty jýrnalisti taýyp alyp, habarlastym. Biraq bul ókildiń jaýaptary ekiudai pikir qaldyrdy. Aldymen ol Qyrǵyzstanǵa qatysty resmi jaýapty Aslan Qajenov arqyly jariialadyq, soǵan alyp-qosarymyz joq dedi. Sol jerden alarsyń degenge keltirdi. Sodan soń, mandattyq komissiia áli ótpegenin, sol úshin resmi jaýap jazbaǵandaryn aitty (qai sózine seneiin?). Men munymen kelispei, federatsiia tarapynan resmi jaýap talap ettim. Sosyn ol telefon arqyly jaýap bermeitinin, vitse-prezident atyna resmi saýal joldaýdy surady.
Kelistim, biraq chempionat áne-mine bastalatynyn eskerip, telefonnan jaýap berý yńǵaily ári tez nusqa ekenin aittym. Sodan bul kisi meniń jýrnalistigime kúmán keltire bastady”, — dedi ol.
Aqyrys Seiitqazy bul jaǵdai ózin tańǵaldyrǵanyn aitady. Onyń sózinshe, qazirgi ýaqytta bailanys quraldary damyǵan, sondyqtan telefon nemese onlain formatta pikir alý qalypty tájiribe.
“Oilańyzshy, vitse-prezident sizdi tanymaidy. Tanymaityn adamǵa telefonmen qalai jaýap beredi? Aslan siiaqty kelip, surap almaisyz ba?", - dedi.
Birinshiden, men ózimdi tolyq tanystyrdym, sport jýrnalisi, Sportbugin.kz saitynyń redaktory ekenimdi aittym.
Ekinshiden, meniń aimaqtarǵa baryp júretin múmkindigim az. Chempionatqa baratyn múmkindik te joq. Onyń ústine, qazir bailanystyń neshe túrli tásili damydy. Tipti, Milanda júrgen Shaidorovtyń bapkerinen de Almatydaǵy úiimde otyryp suhbat aldym. Sondyqtan, myna turǵan Túrkistannan telefonmen jaýap berý esh aǵattyq emes.
Úshinshiden, bul kisi meni tómendetip, alalap turǵandai áser qaldyrdy. "Vitse-prezident sizdi tanymaidy, qalai jaýap beredi" degeni osyndai oiǵa jeteleidi. Iaǵni, kókpar federatsiiasy tek tanymal jýrnalistermen ǵana jumys isteidi degen oida qaldym”, - dep qosty ol.
Sonymen qatar ol federatsiia ókili ózin “provokatsiia jasaýǵa tyrysyp otyr” dep aiyptaǵanyn jazdy.
“Al men bar bolǵany: “Qyrǵyzstan nege qatyspaidy jáne bul týraly nege resmi málimdeme bolmady?”, - dedim”, - deidi jýrnalist.
Aqyrys Seiitqazy qazirgi ýaqytta federatsiiaǵa resmi saýal joldaǵanyn jáne jaýap kútip otyrǵanyn habarlady.
“Jaýabyn kútelik, qashan keletinin bilmeimin. Biraq osy álem chempionaty tym asyǵys jasalyp jatqandai áser qaldyrdy. Chempionattyń ótetini jaily bir ai buryn ǵana habarlandy. Bul ýaqytta kim daiyndalyp úlgeredi?”, - dedi ol.
Aita keteiik, buǵan deiin Qyrǵyzstan tarapy da jarysqa shaqyrý kesh jiberilgenin aityp, tolyqqandy daiyndyqqa ýaqyt jetpegenin málimdegen. Olardyń sózinshe, mundai deńgeidegi jarysqa qatysý úshin tek oiynshylardy emes, attardy da aldyn ala daiyndaý qajet.
“Odan bólek, Qyrǵyzstan kók-bórúden ózderiniń eń aýqymdy jarysyna daiyndalyp jatyr. Chempionatty soǵan tuspa-tus qoiý da – qatelik”, - dep qosty jýrnalist.
Jýrnalist taǵy bir jaitqa nazar aýdarǵan.
“Bir qyzyǵy, chempionat qarsańynda kókpardan ulttyq quramanyń bas bapkerin aýystyryp jibergen. Munda da qandai logika baryn bilmedim.
Al Aidarbek Qojanazarov basqaratyn federatsiianyń BAQ-pen jumysy múlde kóńil kónshitpeidi”, — dep túiindedi ol.
