QDB AÓK jobalaryn 1,2 trln teńgege qarjylandyrady. Bul týraly Qazaqstan Premer-Ministri Oljas Bektenovke jumys keńesi barysynda «Qazaqstan Damý Banki» AQ basqarma tóraǵasy Marat Elibaev baiandady.
Memleket basshysy Qasym-Jomart Toqaevtyń «Ádiletti Qazaqstannyń ekonomikalyq baǵdary» atty halyqqa Joldaýyn iske asyrý sheńberinde Bank aýyl sharýashylyǵyn damytý boiynsha basym baǵyttarǵa taldaý jasady. Olardyń ishinde et, sút jáne astyqty tereń óńdeý, ónerkásiptik jylyjai sharýashylyǵyn damytý, qus fabrikalaryn, kókónis qoimalaryn jáne etti mal sharýashylyǵy kásiporyndaryn salý máseleleri bar.
Marat Elibaev QDB-nyń ekinshi deńgeili banktermen jáne basqa da qarjy institýttarymen birlese otyryp, agroónerkásip keshenindegi investitsiialyq jobalardy iske asyrý úshin jalpy somasy 1 trln 220 mlrd teńgege qarjylandyrýdy qamtamasyz etýge daiyn ekendigi týraly baiandady.
Qazirgi ýaqytta Bank otandyq investorlardyń jańa jobalaryn qaraýǵa kiristi.
Úkimet basshysy Oljas Bektenov Bank basshylyǵyna azyq-túlik qaýipsizdigin qamtamasyz etýge, importty almastyrýǵa jáne otandyq aýyl sharýashylyǵy ónimderiniń eksportyn ulǵaitýǵa baǵyttalǵan investitsiialyq jobalarǵa basymdyq bere otyryp qaraýdy tapsyrdy.
Aita ketý kerek, QDB-nyń agroónerkásip sektorynda jobalardy júzege asyrýda tájiribesi bar. Onyń ishinde Aqmola oblysynda et óndiretin qus fabrikasyn, maily daqyldar óńdeý zaýyttaryn salý jáne jańǵyrtý jumystaryn atap kórsetýge bolady. Sondai-aq Banktiń qarjylandyrýymen Túrkistan oblysynda elimizdegi eń iri jylyjai kesheniniń qurylysy bastaldy, onyń birinshi kezeńi kelesi jyly iske qosylady dep josparlanyp otyr.
