Olar elimizdiń jetekshi joǵary oqý orny men Qazaqstandaǵy Úndistan elshiligimen birlese otyryp ótkizilgenin aita ketýimiz kerek.
Is-shara «Úndistan kúnderi» atty Úndi mádenieti men ádebieti festivaliniń ashylýynan bastaldy. QazUÝ-da Mahatma Gandidi eske alý kúni «Gandidiń oilary men qanatty sózderi» atty kitaptyń tusaý keseri ótti. Ony jaryqqa shyǵarýdyń bastamashysy – rektor Ǵalym Mutanov yqpal etkenin aita ketýimiz kerek. Biregei kitap qazaq, orys jáne aǵylshyn tilderinde basyp shyǵaryldy.
Mahatma Gandi kezinde «Álemdi ózgertkiń kelse, – ózgeristi ózińnen basta», – dep aitqan bolatyn. Ol óziniń joǵary gýmanistiń kózqarastaǵy ómirlik úlgisimen eli men álemdi ózgertip, qaisarlyǵy men rýh kúshi arqyly óz halqynyń júregine ádildik pen qaiyrymdylyqqa degen senim uialatyp, jarqyn bolashaqqa jol bastaǵan», – dep atap ótti QazUÝ rektory Ǵalym Mutanov.
Úndistannyń Qazaqstandaǵy elshisi Prabhat Kýmar ótkizilgen merekelik sharalar úshin QazUÝ-ǵa shyn júrekten alǵysyn bildirdi. «Mahatma Gandidi Úndistanda ǵana emes, búkil álemde qurmetteidi. Onyń adamgershilik pen qaiyrymdylyqqa shaqyrýy búgingi kúnge deiin ózekti bolyp otyr. Biz úshin kitaptyń jaryqqa shyǵýy asa mańyzdy oqiǵa jáne bul bizdiń halyqtarymyz arasyndaǵy túsinistik pen rýhani jaqyndasýyna yqpal etedi. Úndi halqynyń uly ókiliniń ádebi murasyn zertteý, árine, qazaq jastaryna asa paidaly bolady», – dep atap ótti elshi myrza.
Festival Qazaqstan men Úndistan arasyndaǵy naǵyz mádeni kópirge ainalmaqshy. Shyǵystaný fakýltetiniń úndi bóliminiń stýdentteri uly Mahatmanyń qanatty sózderin oqyp, kópshilikti onyń ómir jolymen jáne shyǵarmashylyǵymen tanystyrdy.
QazUÝ-da byltyr Mahatma Gandidiń úndi zertteý ortalyǵy ashylyp, Qazaqstan-Úndi aqparattyq tehnologiialar ortalyǵy birneshe jyldan beri tabysty jumys isteýde. Ýniversitet stýdentteri men oqytýshylary akademiialyq almasý baǵdarlamalary boiynshaÚndistannyń JOO-da taǵylymdamadan ótip, birlesken ǵylymi jobalaryn júrgizýde. QazUÝ-ǵa Úndistan professorlary dáris oqý úshin shaqyrylady jáne Qazaqstandyq ýniversitette joǵary bilim alǵysy keletin úndi stýdentteriniń qatary jyl saiyn ósýde.
