ولار ەلىمىزدىڭ جەتەكشى جوعارى وقۋ ورنى مەن قازاقستانداعى ءۇندىستان ەلشىلىگىمەن بىرلەسە وتىرىپ وتكىزىلگەنىن ايتا كەتۋىمىز كەرەك.
ءىس-شارا «ءۇندىستان كۇندەرى» اتتى ءۇندى مادەنيەتى مەن ادەبيەتى فەستيۆالىنىڭ اشىلۋىنان باستالدى. قازۇۋ-دا ماحاتما گانديدى ەسكە الۋ كۇنى «گانديدىڭ ويلارى مەن قاناتتى سوزدەرى» اتتى كىتاپتىڭ تۇساۋ كەسەرى ءوتتى. ونى جارىققا شىعارۋدىڭ باستاماشىسى – رەكتور عالىم مۇتانوۆ ىقپال ەتكەنىن ايتا كەتۋىمىز كەرەك. بىرەگەي كىتاپ قازاق، ورىس جانە اعىلشىن تىلدەرىندە باسىپ شىعارىلدى.
ماحاتما گاندي كەزىندە «الەمدى وزگەرتكىڭ كەلسە، – وزگەرىستى وزىڭنەن باستا»، – دەپ ايتقان بولاتىن. ول ءوزىنىڭ جوعارى گۋمانيستىڭ كوزقاراستاعى ومىرلىك ۇلگىسىمەن ەلى مەن الەمدى وزگەرتىپ، قايسارلىعى مەن رۋح كۇشى ارقىلى ءوز حالقىنىڭ جۇرەگىنە ادىلدىك پەن قايىرىمدىلىققا دەگەن سەنىم ۇيالاتىپ، جارقىن بولاشاققا جول باستاعان»، – دەپ اتاپ ءوتتى قازۇۋ رەكتورى عالىم مۇتانوۆ.
ءۇندىستاننىڭ قازاقستانداعى ەلشىسى پرابحات كۋمار وتكىزىلگەن مەرەكەلىك شارالار ءۇشىن قازۇۋ-عا شىن جۇرەكتەن العىسىن ءبىلدىردى. «ماحاتما گانديدى ءۇندىستاندا عانا ەمەس، بۇكىل الەمدە قۇرمەتتەيدى. ونىڭ ادامگەرشىلىك پەن قايىرىمدىلىققا شاقىرۋى بۇگىنگى كۇنگە دەيىن وزەكتى بولىپ وتىر. ءبىز ءۇشىن كىتاپتىڭ جارىققا شىعۋى اسا ماڭىزدى وقيعا جانە بۇل ءبىزدىڭ حالىقتارىمىز اراسىنداعى تۇسىنىستىك پەن رۋحاني جاقىنداسۋىنا ىقپال ەتەدى. ءۇندى حالقىنىڭ ۇلى وكىلىنىڭ ادەبي مۇراسىن زەرتتەۋ، ارينە، قازاق جاستارىنا اسا پايدالى بولادى»، – دەپ اتاپ ءوتتى ەلشى مىرزا.
فەستيۆال قازاقستان مەن ءۇندىستان اراسىنداعى ناعىز مادەني كوپىرگە اينالماقشى. شىعىستانۋ فاكۋلتەتىنىڭ ءۇندى ءبولىمىنىڭ ستۋدەنتتەرى ۇلى ماحاتمانىڭ قاناتتى سوزدەرىن وقىپ، كوپشىلىكتى ونىڭ ءومىر جولىمەن جانە شىعارماشىلىعىمەن تانىستىردى.
قازۇۋ-دا بىلتىر ماحاتما گانديدىڭ ءۇندى زەرتتەۋ ورتالىعى اشىلىپ، ءقازاقستان-ۇندى اقپاراتتىق تەحنولوگيالار ورتالىعى بىرنەشە جىلدان بەرى تابىستى جۇمىس ىستەۋدە. ۋنيۆەرسيتەت ستۋدەنتتەرى مەن وقىتۋشىلارى اكادەميالىق الماسۋ باعدارلامالارى ءبويىنشاۇندىستاننىڭ جوو-دا تاعىلىمدامادان ءوتىپ، بىرلەسكەن عىلىمي جوبالارىن جۇرگىزۋدە. قازۇۋ-عا ءۇندىستان پروفەسسورلارى ءدارىس وقۋ ءۇشىن شاقىرىلادى جانە قازاقستاندىق ۋنيۆەرسيتەتتە جوعارى ءبىلىم العىسى كەلەتىن ءۇندى ستۋدەنتتەرىنىڭ قاتارى جىل سايىن وسۋدە.
