Is-sharaǵa QR Premer-ministriniń orynbasary – Syrtqy ister ministri Muhtar Tileýberdi, Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev, diplomatiia salasynyń ardagerleri, memleket jáne qoǵam qairatkerleri, QR UǴA akademikteri, ǵalymdar men ýniversittetiń oqytýshy-professorlar quramy qatysty.
Jiynda sóz alǵan Syrtqy ister ministri Muhtar Tileýberdi sharaǵa qatysýshylardy aitýly merekemen quttyqtap, jyly lebizin bildirdi.
– Biz óńirlik jáne jahandyq protsesterge belsendi qatysatyn ornyqty ári bedeldi memleketke ainaldyq. Qazaqstan óz egemendigin alǵan kúnnen bastap shekarasyn bekemdep, shet memlekettermen bailanys ornatty. Búgingi tańda Qazaqstan álemniń 186 elimen diplomatiialyq qarym-qatynasta. Ortalyq Aziia elderimen dialog jandana tústi. Qazaqstan Eýraziialyq keńistiktegi integratsiialyq úderisterdiń lokomotivi bolyp, kóptegen halyqaralyq uiymdarda tóraǵalyq etti. Osy turǵyda diplomattardy daiarlaýda Qazaq ulttyq ýniversitetiniń qosqan úlesi zor. Barshańyzdy Qazaqstan diplomatiiasynyń mereitoiymen quttyqtaimyn! – dedi Muhtar Beskenuly.
– Qazaq diplomatiiasynyń berik irgetasyn Kerei men Jánibek handar qalady. Toqsanynshy jyldardyń basynda Qazaqstan halyqaralyq arenada óziniń derbes syrtqy saiasi baǵyty men ustanymyn qalyptastyra bastaǵany barshaǵa málim. Táýelsizdik alǵan sátten bastap Qazaqstan ózge eldermen turaqty qarym-qatynas ornata bastady. Otyz jyl ishinde bizdiń elimiz ózin beibitshilik pen kelisimniń jaqtaýshysy retinde kórsete bildi, – dedi Janseiit Túimebaev.
Sondai-aq, shara aiasynda Ál-Farabi atyndaǵy Qazaq ulttyq ýniversitetinde QR Premer-ministriniń orynbasary - Syrtqy ister ministri Muhtar Tileýberdi men joǵary oqý ornynyń basshysy Janseiit Túimebaevtyń qatysýymen «Qazaqstan Respýblikasynyń syrtqy saiasaty jáne diplomatiiasy» ortalyǵy ashyldy.
Jumys sapary barysynda ministr Muhtar Beskenuly bilim ordasynyń tynys-tirshiligimen tanysty. Jańarǵan oqý ǵimarattary men aýditoriialardy, Ál-Farabi mýzeiin aralap, QazUÝ ǵalymdary ázirlegen innovatsiialyq jobalardyń nátijelerine qanyqty.
