Saǵattyń ashylý saltanatyna QR Konstitýtsiialyq Keńesiniń tóraǵasy, Túlekter qaýymdastyǵynyń prezidenti Qairat Mámi, QR Joǵarǵy sotynyń qylmystyq ister jónindegi sot alqasynyń tóraǵasy Ábdirashit Júkenov, memleket jáne qoǵam qairatkeri Oljas Súleimenov, QazUÝ-dyń Basqarma Tóraǵasy – Rektory Janseiit Túimebaev, QazUÝ-dyń Qurmetti professory, 1983 jylǵy túlegi Saltanat Baiqoshqarova jáne QazUÝ Direktorlar keńesiniń múshesi Armanjan Baitasov syndy taǵy da basqa ziialy qaýym ókilderi, Nur-Sultan men Almaty shaharynan arnaiy kelgen metsenattar men ýniversitettiń oqytýshy-professorlary jáne bilim alýshy jastar qatysty.
Sharaǵa arnaiy shaqyrylǵan meimandar sóz sóilep, búgingi aitýly oqiǵamen quttyqtady. QR Konstitýtsiialyq Keńesiniń tóraǵasy, Túlekter qaýymdastyǵynyń prezidenti Qairat Mámi óz kezeginde jobanyń maqsaty – QazUÝ qalashyǵynyń turǵyndary men qonaqtaryna oqý, jumys isteý jáne turmys úshin jaily orta qurý ekenin tilge tiek etti.
– Qazaq ulttyq ýniversitetinde biraqtar jumystar atqarylyp keledi. Túlekter qaýymdastyǵynyń bastaýymen stýdentterge shákirtaqy berý jumystary jalǵasyn taýyp keledi. Sonymen qatar qalashyqtyń kórkeiýine úles qosý maqsatynda kóptegen nysandar boi kóterdi. Osy saǵat stelasy qurylysy da Túlekter qaýymdastyǵynyń bastaýymen júzege asyp otyr. Jasalǵan jumystardy men maqtanyshpen aita alamyn, – dedi Qairat Mámi.
Qalashyqta boi kótergen saǵat stelasy «Máńgilik el» saltanat qaqpasy men ortalyq alleianyń jalǵasy bolyp tabylady. Metsenattardyń usynysy boiynsha «Máńgilik El» saǵaty biiktigi 19,3 metr stelaǵa ornatyldy. Saǵattardyń parametrleri úlken jáne diametri 1600x1600 mm-ge jetedi. Nysan qurylysynyń negizgi irgetasy tórt tuǵyrly biik baǵanalarmen bekitilgen.
Shara barysynda sóz sóilegen Ál-Farabi atyndaǵy Qazaq ulttyq ýniversitetiniń Basqarma Tóraǵasy – Rektory Janseiit Túimebaev kelýshilerdi búgingi aitýly kúnmen quttyqtap, saǵattyń nelikten «Máńgilik el» dep atalýyn tereńinen túsindirdi.
– «Máńgilik el» sáýlet nysandary álem elderinde jasampaz jetistikter men tolaǵai tabystar qurmetine qoiylady. Sondai-aq patriottyq tárbie berý, otansúigishtik sezimderdi qalyptastyrý maqsatyn kózdeidi. Elbasy Nursultan Nazarbaev «Máńgilik el» ideiasynda naqtylap kórsetkendei, táýelsizdikpen birge halqymyz máńgilik muratyna qol jetkizdi. Máńgilik el bolý – bizdiń basty maqsatymyz. Barshańyzdy búgingi «Máńgilik el» saǵat stelasynyń saltanatty túrde ashylýymen quttyqtaimyn! – dep ystyq lebizin bildirdi ýniversitet rektory.
Sondai-aq sharaǵa arnaiy qatysqan Qazaqstannyń memleket jáne qoǵam qairatkeri Oljas Súleimenov búgingi saǵattyń ashylýymen quttyqtap, ystyq lebizin bildirdi. «Qazirgi tańda elimizde 100-den asa ýniversitet stýdentterdi bilim nárimen sýsyndatyp otyr. Degenmen, Qazaq ulttyq ýniversiteti óziniń biik mártebesin áli ustap keledi. Búgin «Máńgilik el» dep atalatyn saǵattyń saltanatty ashylýyna qatysyp otyrmyz. Barshańyzdy quttyqtai otyryp, tolaǵai tabys tileimin!» – dedi Oljas Súleimenov.
Saltanatty sharany túiindei kele oqý orny basshysy Janseiit Túimebaev – «Máńgilik El» saǵaty – túlekterdiń ýniversitettiń endaýment damý qoryna belsendi qoldaý kórsetýiniń jarqyn kórinisi. Bul biregei arhitektýralyq nysan álemdik deńgeidegi stýdenttik kampýstyń ǵana emes, Almaty qalasynyń da kórkin arttyra túskeni anyq. Ol Ile Alataýynyń qarly shyńdary siiaqty óziniń ásemdigimen tamsandyryp, árqaisymyzǵa: «Saǵattardyń – baǵasyn, minýttardyń – salmaǵyn, sekýndtardyń – esebin bil» degen asa mańyzdy aqiqatty eske salady. Alma-mater óz túlekterine týǵan bilim oshaǵynyń qyzmetine belsendi qatysqany úshin sheksiz alǵys bildiredi.» – dedi.
Saǵat stelasynyń ashylý saltanaty arnaiy daiyndalǵan kontserttik baǵdarlamamen aiaqtaldy.
Ál-Farabi atyndaǵy QazUÝ-dyń Baspasóz qyzmeti
