Osy aptada Abaı oblysyndaǵy qoryq orasan órtke oranǵanyn esterińizge salamyz. Aldyn-ala nusqa boıynsha Semeı ormany Jańa Shúlbi fılıalynyń on tórt qyzmetkeri (13 er adam jáne bir áıel) órtti jedel sóndirý úshin óz ýchaskelerine shyqqan. Olarmen baılanys úzildi. İzdestirý jumystary arqyly qaza tapqan orman sharýashylyǵy jumyskerleriniń máıitteri tabyldy.
«Kazsınk» olardyń otbasylaryna bir mıllıon teńgeden materıaldyq kómek berýge sheshim qabyldady.
- Abaı oblysyndaǵy órt jalpyulttyq tragedıa aýqymyndaǵy jaǵdaı, – deıdi «Qazsınktiń» bas dırektory Aleksandr HMELEV. – Azdaǵan ýaqyt buryn bul óńir Shyǵys Qazaqstannyń quramynda boldy, kenshiler men metalýrgterterdi jańa oblyspen ortaq jobalar baılanystyrady.
Apattyń zardaptaryn joıýǵa kómektesý – biz úshin óte mańyzdy mindet! Óz isterin atqarýda naǵyz erlik kórsetken orman sharýashylyǵynyń qaza tapqan qyzmetkerlerin qazir búkil el aza tutýda.
Biz tireginen aıyrylǵan otbasylarǵa jan-jaqty kómek kórsetkimiz keledi. Qazsınktikter qaza tapqan jandardyń otbasylaryna shyn júrekten qaıǵyra kóńil aıtady.
Sýret Tótenshe jaǵdaı mınıstrliginen alyndy
