وسى اپتادا اباي وبلىسىنداعى قورىق وراسان ورتكە ورانعانىن ەستەرىڭىزگە سالامىز. الدىن-الا نۇسقا بويىنشا سەمەي ورمانى جاڭا ءشۇلبى فيليالىنىڭ ون ءتورت قىزمەتكەرى (13 ەر ادام جانە ءبىر ايەل) ءورتتى جەدەل ءسوندىرۋ ءۇشىن ءوز ۋچاسكەلەرىنە شىققان. ولارمەن بايلانىس ءۇزىلدى. ىزدەستىرۋ جۇمىستارى ارقىلى قازا تاپقان ورمان شارۋاشىلىعى جۇمىسكەرلەرىنىڭ مايىتتەرى تابىلدى.
«كازسينك» ولاردىڭ وتباسىلارىنا ءبىر ميلليون تەڭگەدەن ماتەريالدىق كومەك بەرۋگە شەشىم قابىلدادى.
- اباي وبلىسىنداعى ءورت جالپىۇلتتىق تراگەديا اۋقىمىنداعى جاعداي، – دەيدى «قازسينكتىڭ» باس ديرەكتورى الەكساندر حمەليەۆ. – ازداعان ۋاقىت بۇرىن بۇل ءوڭىر شىعىس قازاقستاننىڭ قۇرامىندا بولدى، كەنشىلەر مەن مەتاللۋرگتەرتەردى جاڭا وبلىسپەن ورتاق جوبالار بايلانىستىرادى.
اپاتتىڭ زارداپتارىن جويۋعا كومەكتەسۋ – ءبىز ءۇشىن وتە ماڭىزدى مىندەت! ءوز ىستەرىن اتقارۋدا ناعىز ەرلىك كورسەتكەن ورمان شارۋاشىلىعىنىڭ قازا تاپقان قىزمەتكەرلەرىن ءقازىر بۇكىل ەل ازا تۇتۋدا.
ءبىز تىرەگىنەن ايىرىلعان وتباسىلارعا جان-جاقتى كومەك كورسەتكىمىز كەلەدى. قازسينكتىكتەر قازا تاپقان جانداردىڭ وتباسىلارىنا شىن جۇرەكتەن قايعىرا كوڭىل ايتادى.
سۋرەت توتەنشە جاعداي مينيسترلىگىنەن الىندى
