Qazyǵurtta aýyz sý tartylyp, jol jóndeldi
Aýdandaǵy Sharaphana, Eski Shanaq, Jumysshy, Taldybulaq, Dihan, Jańatalap, Tesiktóbe, Jigergen, M.Ótemisuly aýyldaryna ortalyqtandyrylǵan sý qubyryn júrgizýge respýblikalyq biýdjetten qarjy qaralyp, jumystar júrgizilip jatyr. Nátijesinde 51 eldi meken taza aýyz sýmen qamtylady.
«Óńirlerdi damytý» baǵdarlamasy boiynsha 2018 jyly 10 eldi mekendegi aýyz sý júielerine 130,1 mln. teńgege aǵymdaǵy jóndeý jumystary júrgizildi.
Memleket basshysy Nursultan Nazarbaev óziniń Joldaýda joldardyń qurylysy men qaita jańartý jumystary júrgiziletinin atap ótkeni barshaǵa málim. Osy baǵytta biyl Qazyǵurt aýdanynda kólik-infraqurylymyn damytýǵa jalpy jol-kólik salasyna 2,5 mlrd. teńge qarjy qarastyryldy.
Aýdandyq avtokólik joldaryn jaqsartý maqsatynda aýdandyq mańyzy bar 25 shaqyrym 4 jolǵa (Qaqpaq – Syrlysai, Jańajol - Ainatas, Kókten ata kirme joly, Aqpan-Qyzylkezeń-Atbulaq) jalpy 745,2 mln.teńge onyń ishinde 2017 jylǵa 285,9 mln teńge, 2018 jyly jalǵasyn taýyp, 459,3 mln. teńge jumsaldy. Sol siiaqty Qarabastaý-Jeńis jolyn da orta jóndeý jumystary júrgizilip, 215,5 mln. teńge jumsaldy.
Sonymen qatar, aýdandyq biýdjet esebinen 2018 jylǵa 685,1 mln. teńge qarjy bólinip jalpy uzyndyǵy 49,57 shaqyrymdy quraityn 28 kóshege orta jóndeý jáne aýdandyq mańyzy bar avtomobil joldary men ishki kóshelerdi aǵymdaǵy jóndeý jumystary júrgizilgen.
