اۋدانداعى شاراپحانا، ەسكى شاناق، جۇمىسشى، تالدىبۇلاق، ديحان، جاڭاتالاپ، تەسىكتوبە، جىگەرگەن، م.وتەمىس ۇلى اۋىلدارىنا ورتالىقتاندىرىلعان سۋ قۇبىرىن جۇرگىزۋگە رەسپۋبليكالىق بيۋدجەتتەن قارجى قارالىپ، جۇمىستار جۇرگىزىلىپ جاتىر. ناتيجەسىندە 51 ەلدى مەكەن تازا اۋىز سۋمەن قامتىلادى.
«وڭىرلەردى دامىتۋ» باعدارلاماسى بويىنشا 2018 جىلى 10 ەلدى مەكەندەگى اۋىز سۋ جۇيەلەرىنە 130،1 ملن. تەڭگەگە اعىمداعى جوندەۋ جۇمىستارى جۇرگىزىلدى.
مەملەكەت باسشىسى نۇرسۇلتان نازاربايەۆ ءوزىنىڭ جولداۋدا جولداردىڭ قۇرىلىسى مەن قايتا جاڭارتۋ جۇمىستارى جۇرگىزىلەتىنىن اتاپ وتكەنى بارشاعا ءمالىم. وسى باعىتتا بيىل قازىعۇرت اۋدانىندا كولىك-ينفراقۇرىلىمىن دامىتۋعا جالپى جول-كولىك سالاسىنا 2،5 ملرد. تەڭگە قارجى قاراستىرىلدى.
اۋداندىق اۆتوكولىك جولدارىن جاقسارتۋ ماقساتىندا اۋداندىق ماڭىزى بار 25 شاقىرىم 4 جولعا (قاقپاق – سىرلىساي، جاڭاجول - ايناتاس، كوكتەن اتا كىرمە جولى، اقپان-قىزىلكەزەڭ-اتبۇلاق) جالپى 745،2 ملن.تەڭگە ونىڭ ىشىندە 2017 جىلعا 285،9 ملن تەڭگە، 2018 جىلى جالعاسىن تاۋىپ، 459،3 ملن. تەڭگە جۇمسالدى. سول سياقتى قاراباستاۋ-جەڭىس جولىن دا ورتا جوندەۋ جۇمىستارى جۇرگىزىلىپ، 215،5 ملن. تەڭگە جۇمسالدى.
سونىمەن قاتار، اۋداندىق بيۋدجەت ەسەبىنەن 2018 جىلعا 685،1 ملن. تەڭگە قارجى ءبولىنىپ جالپى ۇزىندىعى 49،57 شاقىرىمدى قۇرايتىن 28 كوشەگە ورتا جوندەۋ جانە اۋداندىق ماڭىزى بار اۆتوموبيل جولدارى مەن ىشكى كوشەلەردى اعىمداعى جوندەۋ جۇمىستارى جۇرگىزىلگەن.
