"Qazatomónerkásip" UK" AQ 2024 jyldyń qorytyndysy boiynsha dividendter tóleý mólsheri men merzimderi týraly usynymdaryna qatysty aqparatpen bólisti, dep habarlaidy Dalanews.kz ulttyq kompaniianyń baspasóz qyzmetine silteme jasap.
"2024 jylǵy aýdittelgen qarjylyq kórsetkishterdiń negizinde kompaniianyń direktorlar keńesi 2024 jylǵa tólenetin bir jai aktsiiaǵa (bir JDQ bir jai aktsiiaǵa teń) 1 264,12 teńge somasynda dividend mólsherin usyndy. Usynylyp otyrǵan dividendterdiń jalpy somasy shamamen 327,9 mlrd teńgeni quraidy, bul kompaniianyń qoldanystaǵy dividendtik saiasatyna sáikes bos aqsha aǵynynyń 75%-na teń", delingen kompaniia habarlamasynda.
2024 jyl boiynsha dividendterdi tóleý 2025 jyly 17 shildede bastalady.
Dividendterdi tóleý jónindegi usynymdardy aktsionerler 27 mamyrda ótetin jalpy jinalysta bekitýi kerek.
Aita ketsek, "Qazatomónerkásiptiń" 2024 jylǵy taza tabysy 1 132 115 mln teńgege jetip, bir jyl ishinde 95%-ǵa ulǵaidy. 2023 jyly bul kórsetkish 580 335 mln teńgeni qurady. Kompaniianyń operatsiialyq tabysy 2024 jyly 806 849 mln teńge boldy. 2023 jylmen salystyrǵanda bul rettegi kórsetkish 19%-ǵa ósti. EBITDA kórsetkishi 2024 jyly 1 096 711 mln teńgeni qurap,ótken jylmen salystyrǵanda 32%-ǵa ulǵaidy. Kompaniianyń respýblikalyq biýdjetke aýdarǵan salyq kólemi 720 mlrd teńgeden asty, bul ótken jylǵy aýdarymdardan 58%-ǵa artyq. Ýran óndirisiniń kólemi 23 myń tonnadan asty, al top boiynsha satý kólemi – 16,6 myń tonnadan astam.
