"قازاتومونەركاسىپ" ۇك" اق 2024 جىلدىڭ قورىتىندىسى بويىنشا ديۆيدەندتەر تولەۋ مولشەرى مەن مەرزىمدەرى تۋرالى ۇسىنىمدارىنا قاتىستى اقپاراتپەن ءبولىستى، دەپ حابارلايدى Dalanews.kz ۇلتتىق كومپانيانىڭ باسپا ءسوز قىزمەتىنە سىلتەمە جاساپ.
"2024 جىلعى اۋديتتەلگەن قارجىلىق كورسەتكىشتەردىڭ نەگىزىندە كومپانيانىڭ ديرەكتورلار كەڭەسى 2024 جىلعا تولەنەتىن ءبىر جاي اكسياعا (ءبىر جدق ءبىر جاي اكسياعا تەڭ) 1 264،12 تەڭگە سوماسىندا ديۆيدەند مولشەرىن ۇسىندى. ۇسىنىلىپ وتىرعان ديۆيدەندتەردىڭ جالپى سوماسى شامامەن 327،9 ملرد تەڭگەنى قۇرايدى، بۇل كومپانيانىڭ قولدانىستاعى ديۆيدەندتىك ساياساتىنا سايكەس بوس اقشا اعىنىنىڭ 75%-نا تەڭ"، دەلىنگەن كومپانيا حابارلاماسىندا.
2024 جىل بويىنشا ديۆيدەندتەردى تولەۋ 2025 جىلى 17 شىلدەدە باستالادى.
ديۆيدەندتەردى تولەۋ جونىندەگى ۇسىنىمداردى اكسيونەرلەر 27 مامىردا وتەتىن جالپى جينالىستا بەكىتۋى كەرەك.
ايتا كەتسەك، "قازاتومونەركاسىپتىڭ" 2024 جىلعى تازا تابىسى 1 132 115 ملن تەڭگەگە جەتىپ، ءبىر جىل ىشىندە 95%-عا ۇلعايدى. 2023 جىلى بۇل كورسەتكىش 580 335 ملن تەڭگەنى قۇرادى. كومپانيانىڭ وپەراسيالىق تابىسى 2024 جىلى 806 849 ملن تەڭگە بولدى. 2023 جىلمەن سالىستىرعاندا بۇل رەتتەگى كورسەتكىش 19%-عا ءوستى. EBITDA كورسەتكىشى 2024 جىلى 1 096 711 ملن تەڭگەنى قۇراپ،وتكەن جىلمەن سالىستىرعاندا 32%-عا ۇلعايدى. كومپانيانىڭ رەسپۋبليكالىق بيۋدجەتكە اۋدارعان سالىق كولەمى 720 ملرد تەڭگەدەن استى، بۇل وتكەن جىلعى اۋدارىمداردان 58%-عا ارتىق. ۋران ءوندىرىسىنىڭ كولەمى 23 مىڭ توننادان استى، ال توپ بويىنشا ساتۋ كولەمى – 16،6 مىڭ توننادان استام.
