استاناداعى بٸرنەشە جانارماي قۇيۋ بەكەتٸندە اي-92 بەنزينٸنٸڭ بٶلشەك ساۋداداعى باعاسى كٶتەرٸلٸپ كەتتٸ, دەپ حابارلايدى dalanews.kz.
7 شٸلدەدەگٸ جاعداي بويىنشا Helios, QazaqOil جەنە Nomad جانارماي قۇيۋ بەكەتتەرٸندە اي-92 بەنزينٸنٸڭ بٸر ليترٸ 245 تەڭگەدەن, ال Compass-تا 244 تەڭگەدەن ساتىلىپ جاتىر. ماۋسىمنىڭ باسىمەن سالىستىرعاندا بەنزيننٸڭ باعاسى ليترٸنە 2-6 تەڭگەگە ٶسكەن.
اي-95 بەنزينٸنٸڭ باعاسى ايتارلىقتاي ٶزگەرگەن جوق. كٶپتەگەن جانارماي قۇيۋ بەكەتٸندە ونىڭ بٸر ليترٸ 315 تەڭگەدەن ساتىلسا, اي-98 بەنزينٸنٸڭ باعاسى 355-365 تەڭگە ارالىعىندا. ديزەل وتىنى دا قىمباتتاپ, بٸر اي ٸشٸندە ليترٸنە ورتا ەسەپپەن 2 تەڭگەگە ٶستٸ.
باعانىڭ ٶسۋٸ اي-92 بەنزينٸ مەن جازعى ديزەل وتىنى قۇنىن كٶتەرۋگە قويىلعان مەملەكەتتٸك موراتوريي اياقتالعاننان كەيٸن بايقالىپ وتىر. بۇل شەكتەۋ ناۋرىزدىڭ سوڭىنا دەيٸن كٷشٸندە بولدى. سەۋٸردەن باستاپ جانارماي قۇيۋ بەكەتتەرٸنٸڭ وپەراتورلارى بٶلشەك ساۋداداعى باعانى ٶزدەرٸ بەلگٸلەۋگە مٷمكٸندٸك الدى.
