Astanadaǵy birneshe janarmai quiý beketinde AI-92 benzininiń bólshek saýdadaǵy baǵasy kóterilip ketti, dep habarlaidy dalanews.kz.
7 shildedegi jaǵdai boiynsha Helios, QazaqOil jáne Nomad janarmai quiý beketterinde AI-92 benzininiń bir litri 245 teńgeden, al Compass-ta 244 teńgeden satylyp jatyr. Maýsymnyń basymen salystyrǵanda benzinniń baǵasy litrine 2-6 teńgege ósken.
AI-95 benzininiń baǵasy aitarlyqtai ózgergen joq. Kóptegen janarmai quiý beketinde onyń bir litri 315 teńgeden satylsa, AI-98 benzininiń baǵasy 355-365 teńge aralyǵynda. Dizel otyny da qymbattap, bir ai ishinde litrine orta eseppen 2 teńgege ósti.
Baǵanyń ósýi AI-92 benzini men jazǵy dizel otyny qunyn kóterýge qoiylǵan memlekettik moratorii aiaqtalǵannan keiin baiqalyp otyr. Bul shekteý naýryzdyń sońyna deiin kúshinde boldy. Sáýirden bastap janarmai quiý beketteriniń operatorlary bólshek saýdadaǵy baǵany ózderi belgileýge múmkindik aldy.
