Qosylǵan qun salyǵyna bailanysty "Qazaqtelekom" AQ abonentteriniń bailanys qyzmetteri qymbattady, dep habarlaidy Dalanews.kz.
Operatordyń habarlaýynsha, bailanys qyzmetterine arnalǵan tarifter QQS eseptemegendegi quny boiynsha bekitilgen jáne 2026 jylǵy 1 qańtardan bastap ózgermegen.
"Tólem somasynyń ósýi tek QQS mólsherlemesiniń ósýine bailanysty. Bul tariftiń ózinen ózgergen joq. QQS-syz tarif quny burynǵy deńgeide saqtaldy. Kelisimshart tarifteri zańdy jáne abonenttiń erikti tańdaýy", – delingen kompaniia jaýabynda.
Sonymen qatar "Qazaqtelekom" uzaq merzimdi kelisimsharttar boiynsha túsinikteme berdi. Kompaniianyń málimdeýinshe, kelisimshartta kórsetilgen turaqty tarif qyzmettiń salyqsyz qunyna ǵana qatysty qarastyrylǵan. Al QQS mólsherlemesin memleket belgileidi jáne ol qyzmettiń tolyq somasyna qoldanylady. Sondyqtan kelisimshart sharttary saqtalǵanymen, sońǵy tólem kólemi artqan.
