قوسىلعان قۇن سالىعىنا بايلانىستى "قازاقتەلەكوم" اق ابونەنتتەرىنىڭ بايلانىس قىزمەتتەرى قىمباتتادى، دەپ حابارلايدى Dalanews.kz.
وپەراتوردىڭ حابارلاۋىنشا، بايلانىس قىزمەتتەرىنە ارنالعان تاريفتەر ققس ەسەپتەمەگەندەگى قۇنى بويىنشا بەكىتىلگەن جانە 2026 جىلعى 1 قاڭتاردان باستاپ وزگەرمەگەن.
"تولەم سوماسىنىڭ ءوسۋى تەك ققس مولشەرلەمەسىنىڭ وسۋىنە بايلانىستى. بۇل ءتاريفتىڭ وزىنەن وزگەرگەن جوق. ققس-سىز تاريف قۇنى بۇرىنعى دەڭگەيدە ساقتالدى. كەلىسىمشارت تاريفتەرى زاڭدى جانە ابونەنتتىڭ ەرىكتى تاڭداۋى"، – دەلىنگەن كومپانيا جاۋابىندا.
سونىمەن قاتار "قازاقتەلەكوم" ۇزاق مەرزىمدى كەلىسىمشارتتار بويىنشا تۇسىنىكتەمە بەردى. كومپانيانىڭ مالىمدەۋىنشە، كەلىسىمشارتتا كورسەتىلگەن تۇراقتى تاريف قىزمەتتىڭ سالىقسىز قۇنىنا عانا قاتىستى قاراستىرىلعان. ال ققس مولشەرلەمەسىن مەملەكەت بەلگىلەيدى جانە ول قىزمەتتىڭ تولىق سوماسىنا قولدانىلادى. سوندىقتان كەلىسىمشارت شارتتارى ساقتالعانىمەن، سوڭعى تولەم كولەمى ارتقان.
