"Qazaqtelekom" Túrkistan qalasyndaǵy kommýnikatsiia salasyn damtýǵa 836 mln. teńge investitsiia salynady
Endi Túrkistan oblysy boiynsha biraz aýmaqqa talshyqty optikalyq bailanys jelisi úshin qurylys jumystary bastalady. Túrkistan qalasynyń jańadan jasalǵan bas josparyna sai qala aýmaǵynyń kólemi 35 myń gektarǵa ulǵaiyp otyr.
Al, qalanyń shyǵys bóliginen, iaǵni jańa qalashyq «Otyrar» shaǵynaýdany úshin 670 gektar jer bólingen. Mundaǵy 170 gektar aýmaqqa salynatyn ákimshilik-iskerlik ortalyqqa jáne 300 gektar jerge turǵyzylatyn kópqabatty úilerdiń barlyǵy da keleshekte osy joǵary jyldamdyqtaǵy internet jelisimen qamtylady. Demek, munda keleshekte 65 myńǵa jýyq turǵyn ornalasady degen jospar bar.
Sondai-aq, bul jerde kóptegen memlekettik mekemelerdiń ǵimarattary (prokýratýra, sot, májilis zaly, teatr) boi kóteredi. Atalǵan mekemelerden bólek jańadan salynatyn jáne burynnan bar kópqabatty úi turǵyndary men qaladaǵy barlyq mektepter, meditsina mekemeleri talshyqty optikalyq bailanyspen qamtylady. Elbasy Túrkistan qalasymen qatar Kentaý qalasyn da damytýǵa erekshe mán berip otyr. Tsifrlandyrý sharalary Kentaý qalasyndaǵy kópqabatty úiler men memlekettik mekemelerinde de júzege aspaq.
Osy baǵyttaǵy qurylys jumystary kelesi jyldyń birinshi toqsanynda bastalady. Búginde jasalynǵan jobalyq-smetalyq qujattar boiynsha qurylys, jer qatynastary basqarmalarymen birigip daiyndyq jumystary pysyqtalyp, kelisimder júrgizilýde. Osy jumystar bite salysymen bólingen qarjyny jumsaýǵa múmkindik ashylady. Iaǵni jobadaǵy jumystardy isteitin merdigerlerge konkýrstar jariialanady. Barlyq sharalar «Samuryq Qazyna» ál-aýqat qorynyń talaptary negizinde júzege asady. 2019 jyldyń sońyna deiin qurylys jumystary aiaqtalyp, jeliler GPON negizinde jumys isteitin bolady.
Keler jyly iske asatyn taǵy bir jobaǵa 300 mln. teńge investitsiia quiylmaq. Onda oblystyń barlyq aýdan ortalyqtaryndaǵy memlekettik qyzmet organdary, iaǵni mektepter men meditsinalyq ortalyqtar talshyqty optikalyq bailanys jelisimen qamtylady. Búginde oblystyq bilim basqarmasynan bilim mekemeleriniń tizimderin aldyryp jatyrmyz.
Dalanews.kz
