"Qazaqtelekom" 2025 jyldyń qańtar–qyrkúıek aılaryndaǵy qarjy nátıjelerin jarıalady. Kompanıanyń taza paıdasy 2024 jyldyń osy kezeńimen salystyrǵanda úsh ese ósip, 153,8 mlrd teńgege jetti, dep habarlaıdy Dalanews.kz.
Esepke sáıkes, salyq salynǵanǵa deıingi paıda 3,7 ese artyp, 64,9 mlrd teńgeni qurady. Operasıalyq paıda da edáýir ósim kórsetip, 1,8 ese kóbeıip, 78,5 mlrd teńgege jetken.
Kompanıanyń jalpy paıdasy 27%-ǵa ulǵaıyp, 101,9 mlrd teńge boldy.
“Qazaqtelekomnyń” jıyntyq kirisi 14,2%-ǵa ósip, 409,6 mlrd teńgeni qurady.
Al aktıvter kólemi, kerisinshe, jyldyń basynan beri 18%-ǵa qysqaryp, 1,34 trln teńgenikórsetip otyr.
Qyzmetkerlerdiń shaǵymy
Eske salaıyq, buǵan deıin Aqtaýdaǵy “Qazaqtelekom” qyzmetkerleri jalaqynyń tómendigine shaǵymdanyp,Sıfrlyq damý mınıstri Baǵdat Mýsınge úndeý jasaǵan edi. Olardyń aıtýynsha, qyzmetkerler kúnkóriske áreń jetip otyrsa, kompanıanyń top-menedjerleri orasan syıaqy alǵan.
“Jýyrda basqarma múshelerine 10 aılyq eńbekaqy kóleminde syıaqy berilgenin bildik. Al negizgi jumysty atqaratyn qarapaıym qyzmetkerlerge 20 myń teńgeden ǵana tóledi. Bul – naǵyz ádiletsizdik”, – dedi jumysshylar.
