"قازاقتەلەكوم" 2025 جىلدىڭ قاڭتار–قىركۇيەك ايلارىنداعى قارجى ناتيجەلەرىن جاريالادى. كومپانيانىڭ تازا پايداسى 2024 جىلدىڭ وسى كەزەڭىمەن سالىستىرعاندا ءۇش ەسە ءوسىپ، 153،8 ملرد تەڭگەگە جەتتى، دەپ حابارلايدى Dalanews.kz.

ەسەپكە سايكەس، سالىق سالىنعانعا دەيىنگى پايدا 3،7 ەسە ارتىپ، 64،9 ملرد تەڭگەنى قۇرادى. وپەراسيالىق پايدا دا ەداۋىر ءوسىم كورسەتىپ، 1،8 ەسە كوبەيىپ، 78،5 ملرد تەڭگەگە جەتكەن.

كومپانيانىڭ جالپى پايداسى 27%-عا ۇلعايىپ، 101،9 ملرد تەڭگە بولدى.

“قازاقتەلەكومنىڭ” جيىنتىق كىرىسى 14،2%-عا ءوسىپ، 409،6 ملرد تەڭگەنى قۇرادى.

ال اكتيۆتەر كولەمى، كەرىسىنشە، جىلدىڭ باسىنان بەرى 18%-عا قىسقارىپ، 1،34 ترلن تەڭگەنىكورسەتىپ وتىر.

قىزمەتكەرلەردىڭ شاعىمى

ەسكە سالايىق، بۇعان دەيىن اقتاۋداعى “قازاقتەلەكوم” قىزمەتكەرلەرى جالاقىنىڭ تومەندىگىنە شاعىمدانىپ،سيفرلىق دامۋ ءمينيسترى باعدات مۋسينگە ۇندەۋ جاساعان ەدى. ولاردىڭ ايتۋىنشا، قىزمەتكەرلەر كۇنكورىسكە ارەڭ جەتىپ وتىرسا، كومپانيانىڭ توپ-مەنەدجەرلەرى وراسان سىياقى العان.

“جۋىردا باسقارما مۇشەلەرىنە 10 ايلىق ەڭبەكاقى كولەمىندە سىياقى بەرىلگەنىن بىلدىك. ال نەگىزگى جۇمىستى اتقاراتىن قاراپايىم قىزمەتكەرلەرگە 20 مىڭ تەڭگەدەن عانا تولەدى. بۇل – ناعىز ادىلەتسىزدىك”، – دەدى جۇمىسشىلار.