"Qazaqtelekom" AQ filialy – servistik fabrikasy laýazymdy qyzmetkerleri ókilettikterin asyra paidalandy degen kúdikke ilindi, dep habarlaidy Dalanews.kz.
Antikor málimetinshe, atalǵan derek zańsyz satyp alynǵan aktivterdi qaitarý boiynsha júrgizilgen jumys aiasynda anyqtalǵan.
Sybailas jemqorlyqqa qarsy qyzmettiń Jambyl oblysy boiynsha departamenti ulttyq kompaniianyń jyljymaityn múlik portfelin basqarýǵa jaýapty bólimshe "Qazaqtelekom" AQ filialy – servistik fabrikasynyń laýazymdy qyzmetkerlerine qatysty ókilettikterdi teris paidalaný faktisi boiynsha qylmystyq isti tergep jatyr.
"Filialdyń bas direktory men birqatar qyzmetkeri kásipker úshin paida tabý maqsatynda oǵan Taraz qalasyndaǵy Qoǵamnyń ákimshilik ǵimaratyn tómen baǵamen satty degen kúdikke ilindi. Olardyń zańsyz áreketteriniń saldarynan memleketke 450 mln teńgegeden astam materialdyq zalal keltirildi", – delingen habarlamada.
Keltirilgen ziiandy óteý jónindegi qamtamasyz etý sharalary retinde joǵaryda atalǵan nysan buǵattaldy. Sottyń sanktsiiasymen kúdiktiler qamaýǵa alyndy.
Tergeý jalǵasyp jatyr.
