"قازاقتەلەكوم" اق فيليالى – سەرۆيستىك فابريكاسى لاۋازىمدى قىزمەتكەرلەرى وكىلەتتىكتەرىن اسىرا پايدالاندى دەگەن كۇدىككە ءىلىندى، دەپ حابارلايدى Dalanews.kz.
انتيكور مالىمەتىنشە، اتالعان دەرەك زاڭسىز ساتىپ الىنعان اكتيۆتەردى قايتارۋ بويىنشا جۇرگىزىلگەن جۇمىس اياسىندا انىقتالعان.
سىبايلاس جەمقورلىققا قارسى قىزمەتتىڭ جامبىل وبلىسى بويىنشا دەپارتامەنتى ۇلتتىق كومپانيانىڭ جىلجىمايتىن مۇلىك پورتفەلىن باسقارۋعا جاۋاپتى بولىمشە "قازاقتەلەكوم" اق فيليالى – سەرۆيستىك فابريكاسىنىڭ لاۋازىمدى قىزمەتكەرلەرىنە قاتىستى وكىلەتتىكتەردى تەرىس پايدالانۋ فاكتىسى بويىنشا قىلمىستىق ءىستى تەرگەپ جاتىر.
"فيليالدىڭ باس ديرەكتورى مەن ءبىرقاتار قىزمەتكەرى كاسىپكەر ءۇشىن پايدا تابۋ ماقساتىندا وعان تاراز قالاسىنداعى قوعامنىڭ اكىمشىلىك عيماراتىن تومەن باعامەن ساتتى دەگەن كۇدىككە ءىلىندى. ولاردىڭ زاڭسىز ارەكەتتەرىنىڭ سالدارىنان مەملەكەتكە 450 ملن تەڭگەگەدەن استام ماتەريالدىق زالال كەلتىرىلدى"، – دەلىنگەن حابارلامادا.
كەلتىرىلگەن زياندى وتەۋ جونىندەگى قامتاماسىز ەتۋ شارالارى رەتىندە جوعارىدا اتالعان نىسان بۇعاتتالدى. سوتتىڭ سانكسياسىمەن كۇدىكتىلەر قاماۋعا الىندى.
تەرگەۋ جالعاسىپ جاتىر.
