[caption id="attachment_21745" align="alignright" width="427"]
«Osy oraida Táýelsizdiktiń 25 jyly — ol «memleketke 25 jyl tolyp otyr» degendi bildirmeidi. Osyny umytpaý qajet. Memlekettiń ózine myń jyl, ǵasyrlardan da kóp. Sondyqtan ár ýaqytta Qazaqstannyń kúsh-qýaty árqalai boldy. Máselen, Qasym xan, Esim xandardyń tusynda Qazaqstan uly aimaqtyq derjava dárejesine deiin kóterilgen. Resei imperiiasy quramynda da ártúrli kezeńder boldy. Sosyn keńester kezinde Qazaqstan derbes memleket bolmasa da, ol memlekettiń bolǵanyn moiyndaýymyz qajet», — dedi A.Ageev.
Onyń aitýynsha, zertteýdiń on kórsetkishi boiynsha 1981 jyly Qazaqstan keńester quramynda bolsa da, aimaqtaǵy yqpaldy memleketke ainalǵan.
«Al 91-shi jyly basqalarmen birge onyń dárejesi kúrt tómendep ketti. Myna jerde Qazaqstannyń perifiriialyq memleket bolǵany jaiynda aityp jatyr. Men ózim bul pikirmen kelispeimin. Sebebi ol keńester quramyndaǵy oq boiy ozyq elderdiń biri edi. Iá, Baiqońyr, ýran jáne taǵy basqa sirek metaldar poligondary Máskeýdiń qaramaǵynda boldy. Degenmen, 91-shi jyldarǵa deiin Qazaqstan jetekshi óndiristik-agrarlyq memleket bolyp qalyptasa bildi. Endi, qazirgi ýaqytpen salystyrǵanda, sizder barlyq faktorlar boiynsha úlken progress jasadyńyzdar. Bunyń bári — tamasha jetistik», — dep atap kórsetti reseilik maman.
Aita keteiik, búgingi konferentsiiaǵa Túrkiia, Resei, Finliandiia, sondai-aq Eýropalyq odaqtyń ókilderi qatysýda.
Derekkózi: "Egemen Qazaqstan" gazeti
