29 qańtar kúni Sankt-Peterbýrg qalasyndaǵy Lenin aýdandyq sotynda boksshy Dmitrii Bivoldyń burynǵy jubaiy Ekaterina Bivolǵa qatysty isti qaraý bastalady. Ol ultaralyq arazdyqty ashyq túrde qozdyrdy jáne adamdyq ar-namysty qorlady degen aiyppen jaýapqa tartylyp otyr, dep habarlaidy Dalanews.kz.
Sot talqylaýyna sebep bolǵan Ekaterina Bivoldyń ótken jyldyń kúzinde Telegram jelisinde jariialaǵan videosy. Beinejazbada ol balaǵat sózder qoldanyp, adamdardy ult belgisi boiynsha kemsitetin pikir aitqan. Atap aitqanda, qazaqtar men qyrǵyzdarǵa qatysty qorlaityn sipattaǵy sózder qoldanǵan.
Ekstremizmge qarsy is-qimyl ortalyǵynyń qyzmetkerleri onyń málimdemelerinde adamdardyń bir tobyn shyǵý tegi boiynsha ekinshisinen «artyq» dep kórsetý belgileri bar degen qorytyndyǵa kelgen.
Atalǵan derek boiynsha Bivolǵa qatysty ákimshilik is qozǵaldy. Zańnamaǵa sáikes, bul bap iri kólemdegi aiyppul nemese ákimshilik qamaý jazasyn qarastyrady.
Buǵan deiin, qazan aiynda Qazaqstannyń Ishki ister ministrligi Ekaterina Bivolǵa qatysty qylmystyq is qozǵalǵanyn rastaǵan jáne ony ekstraditsiialaý máselesi kóteriletinin habarlaǵan bolatyn. Keiin ol izdeýge jariialandy.
Oǵan uqsas qylmystyq is Qyrǵyzstanda da tirkelgen. Onda Ekaterina Bivol ultaralyq arazdyqty qozdyrdy degen aiyppen jaýapqa tartylyp otyr.
