29 قاڭتار كٷنٸ سانكت-پەتەربۋرگ قالاسىنداعى لەنين اۋداندىق سوتىندا بوكسشى دميتريي بيۆولدىڭ بۇرىنعى جۇبايى ەكاتەرينا بيۆولعا قاتىستى ٸستٸ قاراۋ باستالادى. ول ۇلتارالىق ارازدىقتى اشىق تٷردە قوزدىردى جەنە ادامدىق ار-نامىستى قورلادى دەگەن ايىپپەن جاۋاپقا تارتىلىپ وتىر, دەپ حابارلايدى Dalanews.kz.
سوت تالقىلاۋىنا سەبەپ بولعان ەكاتەرينا بيۆولدىڭ ٶتكەن جىلدىڭ كٷزٸندە Telegram جەلٸسٸندە جارييالاعان ۆيدەوسى. بەينەجازبادا ول بالاعات سٶزدەر قولدانىپ, ادامداردى ۇلت بەلگٸسٸ بويىنشا كەمسٸتەتٸن پٸكٸر ايتقان. اتاپ ايتقاندا, قازاقتار مەن قىرعىزدارعا قاتىستى قورلايتىن سيپاتتاعى سٶزدەر قولدانعان.
ەكسترەميزمگە قارسى ٸس-قيمىل ورتالىعىنىڭ قىزمەتكەرلەرٸ ونىڭ مەلٸمدەمەلەرٸندە ادامداردىڭ بٸر توبىن شىعۋ تەگٸ بويىنشا ەكٸنشٸسٸنەن «ارتىق» دەپ كٶرسەتۋ بەلگٸلەرٸ بار دەگەن قورىتىندىعا كەلگەن.
اتالعان دەرەك بويىنشا بيۆولعا قاتىستى ەكٸمشٸلٸك ٸس قوزعالدى. زاڭناماعا سەيكەس, بۇل باپ ٸرٸ كٶلەمدەگٸ ايىپپۇل نەمەسە ەكٸمشٸلٸك قاماۋ جازاسىن قاراستىرادى.
بۇعان دەيٸن, قازان ايىندا قازاقستاننىڭ ٸشكٸ ٸستەر مينيسترلٸگٸ ەكاتەرينا بيۆولعا قاتىستى قىلمىستىق ٸس قوزعالعانىن راستاعان جەنە ونى ەكستراديتسييالاۋ مەسەلەسٸ كٶتەرٸلەتٸنٸن حابارلاعان بولاتىن. كەيٸن ول ٸزدەۋگە جارييالاندى.
وعان ۇقساس قىلمىستىق ٸس قىرعىزستاندا دا تٸركەلگەن. وندا ەكاتەرينا بيۆول ۇلتارالىق ارازدىقتى قوزدىردى دەگەن ايىپپەن جاۋاپقا تارتىلىپ وتىر.
