Almaty oblysynda Naýryz meiramyna qatysty daýly pikir aitqan bloger ustaldy. Ol jelide jariialaǵan videoda Qazaqstanda Naýryzdy atap ótpeý kerek ekenin aityp, "musylmandardyń meiramy emes" degen pikir bildirgen, dep habarlaidy Dalanews.kz.
Ishki ister ministrliginiń málimetinshe, er adamǵa qatysty dini alaýyzdyqty qozdyrý deregi boiynsha qylmystyq is qozǵalǵan.
"23 naýryzda áleýmettik jelilerdi tekserý barysynda TikTok platformasynda jariialanǵan, Naýryz merekesine qatysty dini jáne etnomádeni sipattaǵy pikirler qamtylǵan video anyqtaldy. Jedel is-sharalar nátijesinde 1991 jyly týǵan K. anyqtalyp, ustalyp, ýaqytsha ustaý izoliatoryna qamaldy", – dedi vedomstvo ókili.
Qazir tergeý áreketteri júrgizilip jatyr.
Bloger videosynda Naýryzdy "qazaqqa da, musylmanǵa da tán emes meiram" dep sipattap, onyń parsylyq (zoroastrizm) dástúrden shyqqanyn aitqan edi. Sondai-aq, ol Oraza ait pen Qurban ait merekelerin ǵana quptaitynyn jetkizgen. Bul málimdeme qoǵamda qyzý talqyǵa tústi.
