الماتى وبلىسىندا ناۋرىز مەيرامىنا قاتىستى داۋلى پىكىر ايتقان بلوگەر ۇستالدى. ول جەلىدە جاريالاعان ۆيدەودا قازاقستاندا ناۋرىزدى اتاپ وتپەۋ كەرەك ەكەنىن ايتىپ، "مۇسىلمانداردىڭ مەيرامى ەمەس" دەگەن پىكىر بىلدىرگەن، دەپ حابارلايدى Dalanews.kz.
ىشكى ىستەر مينيسترلىگىنىڭ مالىمەتىنشە، ەر ادامعا قاتىستى ءدىني الاۋىزدىقتى قوزدىرۋ دەرەگى بويىنشا قىلمىستىق ءىس قوزعالعان.
"23 ناۋرىزدا الەۋمەتتىك جەلىلەردى تەكسەرۋ بارىسىندا TikTok پلاتفورماسىندا جاريالانعان، ناۋرىز مەرەكەسىنە قاتىستى ءدىني جانە ەتنومادەني سيپاتتاعى پىكىرلەر قامتىلعان ۆيدەو انىقتالدى. جەدەل ءىس-شارالار ناتيجەسىندە 1991 جىلى تۋعان ك. انىقتالىپ، ۇستالىپ، ۋاقىتشا ۇستاۋ يزولياتورىنا قامالدى"، – دەدى ۆەدومستۆو وكىلى.
ءقازىر تەرگەۋ ارەكەتتەرى جۇرگىزىلىپ جاتىر.
بلوگەر ۆيدەوسىندا ناۋرىزدى "قازاققا دا، مۇسىلمانعا دا ءتان ەمەس مەيرام" دەپ سيپاتتاپ، ونىڭ پارسىلىق (زورواستريزم) داستۇردەن شىققانىن ايتقان ەدى. سونداي-اق، ول ورازا ايت پەن قۇربان ايت مەرەكەلەرىن عانا قۇپتايتىنىن جەتكىزگەن. بۇل مالىمدەمە قوعامدا قىزۋ تالقىعا ءتۇستى.
