Qazaqstanda 8-12 maýsym aralyǵynda Ishki ister ministrliginiń uiymdastyrýymen «Nelegal» jedel-profilaktikalyq is-sharasy ótti. Reid barysynda politsiia qyzmetkerleri shetel azamattary turýy nemese jumys isteýi múmkin qurylys nysandaryn, bazarlardy jáne jaldamaly páterlerdi tekserdi, dep habarlaidy dalanews.kz.
IIM málimetinshe, bes kún ishinde kóshi-qon zańnamasyn buzǵan 13 myńǵa jýyq adam anyqtalǵan. Olardyń 10 myńǵa jýyǵy Qazaqstan aýmaǵynda zańsyz júrgeni úshin ákimshilik jaýapkershilikke tartylsa, taǵy 4 myńǵa jýyq sheteldik tiisti ruqsatsyz eńbek qyzmetin júzege asyrǵan.
Tekserý qorytyndysy boiynsha sottar 1 500 shetel azamatyn el aýmaǵynan shyǵarý týraly sheshim qabyldady. Onyń ishinde 122 adam májbúrli túrde deportatsiialanyp, aldaǵy bes jyl ishinde Qazaqstanǵa qaita kirý quqyǵynan aiyryldy.
Sonymen qatar reid kezinde halyqaralyq izdeýde júrgen 21 adam ustalǵan.
Ishki ister ministrligi kóshi-qon zańnamasynyń saqtalýyn baqylaý jumystary aldaǵy ýaqytta da jalǵasatynyn málimdedi.
