Qazaqstan azamattaryn aldaǵan kúdiktiler Ýkrainada qolǵa tústi. Bul týraly IIM Qazaqstan men Ýkraina ulttyq politsiiasy birlesip júrgizgen arnaiy operatsiia nátijesin jariialap málimdedi, dep habarlaidy dalanews.kz.
Vedomstvo málimetinshe, politseiler Odessa qalasynda alaiaqtyqpen ainalysqan call-ortalyqty anyqtaǵan. Aldyn ala derek boiynsha, qaskóilerdiń áreketinen 120-dan astam adam zardap shekken. Keltirilgen shyǵyn kólemi 85 million teńgeden asqan.
Tergeý málimetine sáikes, kúdiktiler ózderin bailanys operatorlarynyń qyzmetkerleri, bank mamandary jáne memlekettik organdar ókilderi retinde tanystyryp otyrǵan.
Arnaiy operatsiia barysynda Ýkrainanyń toǵyz azamaty ýaqytsha ustaý izoliatoryna qamaldy. Tintý kezinde eki avtokólik, 26 kompiýter, 49 uialy telefon, psihologiialyq yqpal etý tásilderi jazylǵan materialdar men Qazaqstan simvolikasy tárkilengen.
Qazir atalǵan fakti boiynsha tergeý amaldary jalǵasyp jatyr.
