Shymkenttik otbasy 12 saǵattan asa keshikken reisten keiin shyǵynyn óndirip aldy, dep habarlaidy dalanews.kz.
Shymkentten Astanaǵa ushatyn ushaq uzaq ýaqytqa keshigip, jolaýshylar kelesi reiske úlgermei qalǵan. Sonyń saldarynan olar dittegen jerine kólikpen barýǵa májbúr bolǵan. Jol shyǵyny 500 myń teńgeden asqan. Sonymen qatar, talapker moraldyq ziian úshin 250 myń teńge suraǵan.
Bul týraly jýrnalist Mihail Kozachkov habarlady.
Sot barysynda áýe kompaniiasynyń ókili kináni moiyndaǵanymen, shyǵynnyń bir bóligin ǵana óteýdi usynǵan. Alaida sot talapty ishinara qanaǵattandyryp, tasymaldaýshyny ótemaqy tóleýge mindettegen.
Sot sheshimi boiynsha:
- 370 myń teńge - materialdyq shyǵyn;
- 100 myń teńge - moraldyq ziian;
- 200 myń teńge - zańger qyzmeti úshin tólem.
Osylaisha jalpy ótemaqy kólemi 670 myń teńge boldy.
