شىمكەنتتٸك وتباسى 12 ساعاتتان اسا كەشٸككەن رەيستەن كەيٸن شىعىنىن ٶندٸرٸپ الدى, دەپ حابارلايدى dalanews.kz.
شىمكەنتتەن استاناعا ۇشاتىن ۇشاق ۇزاق ۋاقىتقا كەشٸگٸپ, جولاۋشىلار كەلەسٸ رەيسكە ٷلگەرمەي قالعان. سونىڭ سالدارىنان ولار دٸتتەگەن جەرٸنە كٶلٸكپەن بارۋعا مەجبٷر بولعان. جول شىعىنى 500 مىڭ تەڭگەدەن اسقان. سونىمەن قاتار, تالاپكەر مورالدىق زييان ٷشٸن 250 مىڭ تەڭگە سۇراعان.
بۇل تۋرالى جۋرناليست ميحايل كوزاچكوۆ حابارلادى.
سوت بارىسىندا ەۋە كومپانيياسىنىڭ ٶكٸلٸ كٸنەنٸ مويىنداعانىمەن, شىعىننىڭ بٸر بٶلٸگٸن عانا ٶتەۋدٸ ۇسىنعان. الايدا سوت تالاپتى ٸشٸنارا قاناعاتتاندىرىپ, تاسىمالداۋشىنى ٶتەماقى تٶلەۋگە مٸندەتتەگەن.
سوت شەشٸمٸ بويىنشا:
- 370 مىڭ تەڭگە - ماتەريالدىق شىعىن;
- 100 مىڭ تەڭگە - مورالدىق زييان;
- 200 مىڭ تەڭگە - زاڭگەر قىزمەتٸ ٷشٸن تٶلەم.
وسىلايشا جالپى ٶتەماقى كٶلەمٸ 670 مىڭ تەڭگە بولدى.
