2026 jylǵy 1 aqpandaǵy jaǵdai boiynsha qazaqstandyqtardyń zeinetaqy jinaqtarynyń kólemi 26,36 trln teńgeden asyp, bir jylda 3,74 trln teńgege nemese 16,5%-ǵa ósti, dep habarlaidy Dala news.
Jinaq qurylymy
Mindetti zeinetaqy jarnalary (MZJ) esebinen qalyptasqan jinaq kólemi 24,81 trln teńgeni qurap, bir jylda 14,4%-ǵa artqan.
Mindetti kásiptik zeinetaqy jarnalary (MKZJ) boiynsha soma 736,07 mlrd teńgege jetip, 13,2%-ǵa ósti.
Eń joǵary ósim erikti zeinetaqy jarnalary (EZJ) boiynsha tirkeldi – 23,6%. Olardyń kólemi 9,89 mlrd teńgeni qurady.
2024 jyldyń 1 qańtarynan bastap engizilgen jumys berýshiniń mindetti zeinetaqy jarnalary (JMZJ) esebinen jinaqtalǵan qarajat 807,75 mlrd teńgege jetti.
Túsken jarnalar
2026 jyldyń qańtar aiynda salymshylardyń jeke jáne shartty zeinetaqy shottaryna 264,65 mlrd teńge jarna tústi. Bul ótken jyldyń sáikes kezeńimen salystyrǵanda 13%-ǵa nemese 30,41 mlrd teńgege kóp.
Onyń ishinde:
•MZJ boiynsha – 211,73 mlrd teńge (ósim 5,7%);
•MKZJ – 14,00 mlrd teńge (ósim 15%);
•EZJ – 185 mln teńge;
•JMZJ – 38,74 mlrd teńge.
Tólemder men aýdarymdar
2026 jyldyń qańtarynda BJZQ-dan barlyq baǵyt boiynsha tólemder men saqtandyrý uiymdaryna aýdarymdar kólemi 124,27 mlrd teńgeni qurady.
1 aqpandaǵy jaǵdai boiynsha:
•Jasyna bailanysty tólemder – 17,30 mlrd teńge. Ortasha ailyq tólem – 38 312 teńge.
•Turǵyn úi jaǵdaiyn jaqsartý jáne emdelýge arnalǵan birjolǵy tólemder – 47,88 mlrd teńge.
•Muragerlik boiynsha tólemder – 17,80 mlrd teńge.
•Turaqty turýǵa shetelge shyǵýǵa bailanysty tólemder – 3,09 mlrd teńge.
•Múgedektigi bar adamdarǵa tólemder – 352,91 mln teńge.
•Jerleýge arnalǵan tólemder – 866,12 mln teńge.
•Saqtandyrý uiymdaryna aýdarylǵan qarajat – 36,99 mlrd teńge.
Zeinetaqy shottarynyń sany
2026 jylǵy 1 aqpanda BJZQ-daǵy zeinetaqy shottarynyń jalpy sany 18,28 mln birlikke jetti. Bul bir jylda 1,04 mln shotqa nemese 6%-ǵa kóp.
Jeke zeinetaqy shottarynyń sany – 12,73 mln:
•11,30 mln – MZJ boiynsha;
•766,4 myń – MKZJ;
•469,08 myń – EZJ.
Jumys berýshiniń mindetti jarnalary esepke alynatyn shartty shottar sany – 5,55 mln.
Aita keteiik, Biryńǵai jinaqtaýshy zeinetaqy qory 2013 jylǵy 22 tamyzda qurylǵan. Qordyń quryltaishysy ári aktsioneri – Qazaqstan Respýblikasy Úkimeti. Zeinetaqy aktivterin senimgerlik basqarýdy Ulttyq bank júzege asyrady.
Zeinetaqy aktivteri boiynsha tolyq statistikalyq aqparat enpf.kz saitynda jariialanǵan.
